අතුරු වෛද්ය සේවාවේ වෘත්තීන් 8 ක පුහුණු පාඨමාලාවන් සඳහා සිසුන් බඳවා ගැනීමට අයදුම්පත් කැඳවා තිබෙනවා. සෞඛ්ය හා ජනමාධ්ය අමාත්ය මාධ්ය ලේකම් දීප්ති විජේතුංගේ අත්සනින් යුතුව නිවේදනයක් නිකුත් කරමින් මේ බව දැනුම් දී තිබුණා.
සෞඛ්ය හා ජනමාධ්ය අමාත්යාංශය විසින් සෞඛ්ය සේවාවේ මානව සම්පත ශක්තිමත් කිරීම උදෙසා සැලසුම් සහගත වැඩපිළිවෙළක් ක්රියාවට නංවා ඇති බවයි එම නිවේදනයේ දැක්වෙන්නේ. එම වැඩපිළිවෙළට අනුව, නිපුණතාවයෙන් හා වෘත්තීය දැනුමෙන් සමන්විත මානව සම්පතක් බිහිකිරීම අරමුණු කර ගනිමින් අතූරු වෛද්ය සේවාවේ නව පුහුණු පාඨමාලා සඳහා සිසුන් බඳවා ගැනීමටයි අදාළ අයදුම්පත් කැඳවා ඇත්තේ. ඒ අනුව අතුරු වෛද්ය සේවාවේ දන්ත කාර්මික ශිල්පී , මහජන සෞඛ්ය පරීක්ෂක, සෘජුකරණ සහ අංගාදේශක, කීට විද්යා නිලධාරී , පාසල් දන්ත චිකිත්සක, ඛන්තුරේඛණ ශිල්පී , ඖෂධ සංයෝජක සහ විද්යුත් නිකර්පන රේඛන ශිල්පි යන වෘත්තීය ක්ෂේත්ර 08 සඳහා අයදුම්පත් කැදවා තිබෙනවා. 2026 අගෝස්තු 07 වන සිකුරාදා දිනැති අංක 2501 දරන රජයේ ගැසට් නිවේදනය ප්රකාරව, 2019 සිට 2023 දක්වා වර්ෂයන්හි උසස් පෙළ විභාගය විද්යා හෝ ගණිත විෂය ධාරාවලින් සමත් වූ සිසුන්ට මෙම පුහුණු පාඨමාලා සදහා අයදුම් කළ හැකියි. මෙම පුහුණු පාඨමාලා සඳහා අයදුම්පත් භාර ගැනීම 2026 අගෝස්තු මස 31 වනදායින් අවසන් වනවා. මෙම වැඩපිළිවෙළ මගින් අතුරු වෛද්ය සේවාවේ මානව සම්පත ප්රමාණාත්මකව මෙන්ම ගුණාත්මකව ද ශක්තිමත් කරමින්, රෝගීන් වෙත ලබාදෙන සෞඛ්ය සේවාවේ ගුණාත්මකභාවය ඉහළ නැංවීමට අපේක්ෂා කරන බවයි එම නිවේදනයේ දැක්වෙන්නේ.
