ගල් පෙරළීමක් හේතුවෙන් කඩුගන්නාව ප්රදේශයෙන් තාවකාලිකව වසා දැමූ කොළඹ – නුවර ප්රධාන මාර්ගය ගමනාගමනය සඳහා යළි විවෘත කර තිබෙනවා. ඊයේ පැවති අයහපත් කාලගුණික තත්ත්වය හේතුවෙන් මහනුවර – කොළඹ ප්රධාන මාර්ගයේ පහළ කඩුගන්නාව ප්රදේශයට ගල් පෙරළීමක් සිදුව තිබුණා. ඒ හේතුවෙන් ගනේතැන්න සහ කඩුගන්නාව අතර මාර්ග කොටස තාවකාලිකව වසා දැමීමටයි පොලීසිය කටයුතු කළේ. අනතුරුව කාලගුණික තත්ත්වය යහපත් වීමත් සමඟ ජාතික ගොඩනැගිලි පර්යේෂණ සංවිධානය ලබාදුන් නිර්දේශ මත අද පෙරවරු 6.00 සිට මාර්ගය නැවත ගමනාගමනය සඳහා විවෘත කළ බවයි පොලීසිය පැවසුවේ.
