2026 අධ්යයන පොදු සහතික පත්ර උසස් පෙළ විභාගයට අදාළව උපකාරක පන්ති පැවැත්වීම සහ සංවිධානය කිරීම ලබන 04 වැනිදා මධ්යම රාත්රී 12.00 සිට තහනම් කර තිබෙනවා . ශ්රී ලංකා විභාග දෙපාර්තමේන්තුව මේ බව ප්රකාශයට පත් කලේ නිවේදනයක් නිකුත් කරමින් . මෙවර අ.පො.ස. උසස් පෙළ විභාගය ලබන 10 වන දා සිට සැප්තැම්බර් මස 05වන දා දක්වා පැවැත්වෙනවා . විභාග මධ්යස්ථාන 2,532කදී මෙවර විභාගය පැවැත්වෙනු ඇති . ඒ අනුව විභාග අපේක්ෂකයින් සඳහා උපකාරක පන්ති පැවැත්වීම සහ එම පන්ති මෙහෙයවීම, විෂයානුබද්ධ දේශන, සම්මන්ත්රණ සහ වැඩමුළු පැවැත්වීම, උක්ත විභාගය සඳහා අනුමාන ප්රශ්න ඇතුළත් ප්රශ්න පත්ර මුද්රණය කිරීම සහ ඒවා බෙදා හැරීම තහනම් වනවා. එමෙන්ම විභාග ප්රශ්න පත්රවල ප්රශ්න ලබා දෙන බවට හෝ ඊට සමාන ප්රශ්න ලබා දෙන බවට පෝස්ටර්, බැනර්, අත්පත්රිකා විද්යුත් හෝ මුද්රිත මාධ්ය මගින් ප්රසිද්ධ කිරීම හෝ එවැනි දෑ ළඟ තබා ගැනීම ද තහනම් කර තිබෙනවා. එමෙන්ම තැනැත්තෙකු, ආයතනයක් හෝ වෙනත් පාර්ශ්වයක් මෙම නියෝග නොසලකා ක්රියා කළහොත්, එම තැනැත්තා හෝ ආයතනය මෙම පනත යටතේ වරදකරුවකු වන බවයි විභාග දෙපාර්තමේන්තුව අවධාරණය කලේ.
