ආගමික සංහිඳියාවට හානිවීම වැලැක්වීමට ශ්රී ලංකාවේ පවතින නීති ප්රමාණවත් නොවන බැවින් නව නීති සම්පාදනය කළ යුතු බව බුද්ධශාසන, ආගමික හා සංස්කෘතික කටයුතු අමාත්ය විදුර වික්රමනායක මහතා පවසනවා.
තව දුරටත් අදහස් දැක්වූ අමාත්යවරයා “රජය වශයෙන් අපි ආගමික සහජීවනය සහ සාමය රට තුළ පවතින බවට සහතික විය යුතුයි. ඊට අමතරව වාර්ගික ගැටුම් හෝ ප්රචණ්ඩත්වයට තුඩු දෙන ප්රකාශයක් කිරීම ද වැළැක්විය යුතුයි,”යනුවෙන් කියා සිටියා.
ආණ්ඩුක්රම ව්යවස්ථාවෙන් අදහස් ප්රකාශ කිරීමේ නිදහස සහ ඕනෑම ආගමක් පිළිපැදිය හැකි වුවත් කිසිම ආගමකට හෝ ආගමික නායකයෙකු පහත් කිරීමට හෝ අවමන් කිරීමට කිසිවකුට නොහැකි බවත් අමාත්යවරයා පවසා සිටියා.
තවද රටේ සාමය කඩ කිරීමට පහසු මඟක් වන පාස්කු ඉරිදා ප්රහාරයට පෙර සිටම සංහිඳියාව බිඳ දැමීමට ඇතැම් කොටස් උසිගැන්වීම් කළ බවයි අමාත්යවරයා කියා සිටියේ.
