විදේශ කටයුතු අමාත්ය විජිත හේරත් මහතා සහ ඉන්දීය විදේශ අමාත්ය එස්. ජයිශංකර් අතර හමුවක් අමෙරිකා එක්සත් ජනපදයේදී සිදු ව තිබෙනවා.
එරට පැවැත්වෙන එක්සත් ජාතීන්ගේ මහා මණ්ඩල සැසිවාරයට සමගාමීවයි මෙම හමුව සිදුව ඇත්තේ.
ශ්රී ලංකාව සහ ඉන්දියාව අතර ශක්තිමත් මිත්රත්වය සහ සමීප සහයෝගීතාවය නැවත තහවුරු කිරීමේ අරමුණින් මෙම හමුව සිදුව තිබෙනවා.
එමෙන්ම විදේශ කටයුතු අමාත්ය විජිත හේරත් මහතා සහ අමෙරිකා එක්සත් ජනපදයේ නියෝජ්ය රාජ්ය ලේකම් ඇලිසන් හූකර් අතර හමුවක්ද සිදුව තිබෙනවා.
එහිදී ද ද්විපාර්ශ්වික සහයෝගීතාවය සහ පොදු ප්රමුඛතා සම්බන්ධයෙන් දීර්ඝ ලෙස සාකච්ඡා කර ඇති බව ජනාධිපති මාධ්ය අංශ සදහන් කළා.
මේ අතර එරට වේලාවෙන් අද පස්වරු 3.15ට ජනාධිපති අනුර කුමාර දිසානායක මහතා එක්සත් ජාතීන්ගේ මහා මණ්ඩලය ඇමතීමට නියමිතයි.
මෙම සංචාරය අතුරතුරදී ජනාධිපතිවරයා එක්සත් ජාතීන්ගේ සංවිධානයේ මහ ලේකම්වරයා සහ ලෝක රාජ්ය නායකයින් කිහිපදෙනෙකු සමඟ ද්විපාර්ශ්වික සාකච්ඡා පැවැත්වීමට නියමිත බවද ජනාධිපති මාධ්ය අංශය සඳහන් කලා.
