6 වැනි ලංකා ප්‍රිමියර් ලීග් ක්‍රිකට් තරගාවලිය ආරම්භ කරමින් ඊයේ පැවති පළමු තරගයෙන් ජැෆ්නා කිංග්ස් කණ්ඩායම පරාජය කර ලකුණු 36 ක විශිෂ්ට ජයක් ලබා ගැනීමට ගෝල් ගැලන්ට්ස් කණ්ඩායම සමත් වුණා. කොළඹ SCC ක්‍රීඩාංගණයේදී රාත්‍රී තරගයක් ලෙස පැවති මෙම තරගයේදී පළමුවෙන් පන්දුවට පහරදුන් ගෝල් ගැලන්ට්ස් කණ්ඩායම නියමිත පන්දුවාර 20 තුළ කඩුලු 6ක් දැවී ලකුණු 213ක දැවැන්ත ලකුණු සංඛ්‍යාවක් රැස් කළා. එහිදී ප්‍රහාරාත්මක ඉනිමක් ක්‍රීඩා කළ චරිත් අසලංක පන්දු 38කදී හතරේ පහර 7ක් සහ හයේ පහර 3ක් සමඟින් ලකුණු 65ක් රැස් කිරීමටයි සමත් වුණේ. මීට අමතරව ඕස්ටේ‍රලියානු ක්‍රීඩක සෑම් හාපර් පන්දු 19කින් වේගවත් ලකුණු 40ක් සිය කණ්ඩායම් ලකුණු පුවරුවට එක් කිරිමට කටයුතු කළා. නායක දසුන් ශානක පන්දු 12කදී ලකුණු 31ක් සහ සහන් ආරච්චිගේ ලකුණු 35ක් ලබාගනිමින් පන්දුවට පහරදීමෙන් දක්ෂතා දැක්වීමටයි සමත් වුණේ. ලකුණු 214ක දැවැන්ත ඉලක්කයක් හඹාගිය ජැෆ්නා කිංග්ස් කණ්ඩායමට පන්දුවාර 19 දශම 4කදී සියලු දෙනා දැවී රැස්කරගත හැකි වූයේ ලකුණු
177ක් පමණයි.
