යාපනය ප්රදේශයේ පුද්ගලයන් තිදෙනෙක් ඉතියෝපියාවේ සංවිධානාත්මක අපරාධ කල්ලියක් ප්රාණ ඇපයට ගෙන ඇති බව වාර්තා වනවා.
ඒ ඉතියෝපියාව හරහා කැනඩාව බලා යාමට මෙරටින් පිටත්ව ගිය පුද්ගලයන් තිදෙනෙක් බවටයි වාර්තා වන්නේ.
එම පිරිස විවධ වදහිංසාවලට ලක්ව ඇති බව පවසමින් දුරකථන සහ වීඩියෝ පණිවුඩ ඥාතීන් වෙත එවා ඇති බවද පොලිසිය පවසනවා.
ප්රාණ ඇපයට ගත් තිදෙනා නිදහස් කිරීම සඳහා එක් අයෙකුට අමෙරිකානු ඩොලර් 30000 බැගින් කප්පම්කරුවන් ඉල්ලන බවයි වාර්තා වන්නේ.
ඒ අනුවතිදෙනා විදේශගත කිරීම සඳහා කටයුතු කළ සැකකරු යාපනය චුන්නාගම් ප්රදේශයේදී අපරාධ පරීක්ෂණ දෙපාර්තමේන්තුවේ තැනැත්තන් වෙළඳාම, ජාවාරම් විමර්ශන ඒකකය 2, නිලධාරීන් විසින් අත්අඩංගුවට ගෙන තිබෙනවා.
