දුම්රිය දෙපාර්තමේන්තුව තුළ පවතින පරි පාලනමය ගැටලු විසදීම සදහා නව දුම්රිය සාමාන්යාධිකාරිවරයෙකු පත්කිරීමට ආණ්ඩුව කඩිනමින් කටයුතු කරනු ඇතැයි අපේක්ෂා කරන බව දුම්රිය ස්ථානාධිපතිවරුන්ගේ සංගමය පවසනවා. එසේ නොවුණහොත්, දුම්රිය වෘත්තීය සමිති කිහිපයක් එක්ව එළඹෙන බ්රහස්පතින්දා දින ආරම්භ කිරීමට නියමිත වැඩවර්ජනය අනිවාර්යෙන්ම සිදුකරන බවයි එම සංගමයේ සභාපති සුමේධ සෝමරත්න මහතා සඳහන් කළේ. දුම්රිය ප්රමාද වීම් ඇතුළු මගී ගැටලු සඳහා තවදුරටත් නිසි විසදුම් නොලැබීම හේතුවෙන් තම සංගමය ද මෙම වෘත්තීය සමිති ක්රියාමාර්ගයට සහය දක්වන බවයි හීන්දෙණිය, පට්ටිගොඩ එක්සත් දුම්රිය මගී සංගමයේ සභාපති ආර්.ඒ.රණතුංග මහතා සඳහන් කළේ. කෙසේ වෙතත්, දුම්රිය දෙපාර්තමේන්තුවේ ක්රියාකාරීත්වය කෙටි කාලයක් තුළ බරපතල කඩා වැටීමකට ලක්ව ඇති බවයි මුහුදුබඩ දුම්රිය සමිතියේ සභාපති ගුණපාල ජනාධි විතාරණ මහතා පැවසුවේ.
