වාර්ෂිකව පවත්වනු ලබන ඓතිහාසික මහනුවර ඇසළ පෙරහැර මංගල්‍යය වෙනුවෙන් විශේෂ රථවාහන සහ ආරක්ෂිත සැලැස්මක් ක්‍රියාත්මක කිරීමට පොලීසිය තීරණය කර තිබෙනවා. ලබන 18 වැනිදා සිට 22 දින දක්වා කුඹල් පෙරහැර සහ 23 වැනිදා සිට 27 වැනිදා දක්වා රන්දෝලි පෙරහැරද වීදී සංචාරය කිරීමට නියමිතයි. ඒ අනුව මෙම විශේෂ ආරක්ෂක වැඩපිළිවෙළ යටතේ රථවාහන සැලැස්මක්, මාර්ග බාධක ආරක්ෂක රාජකාරි, රථවාහන හා පුද්ගලයින් පරීක්ෂා කිරීම, සංචාරකයින්ට මග පෙන්වීම හා රථවාහන ගාල් කිරීම ක්‍රියාවට නැංවෙන බවයි පොලීසිය සඳහන් කළේ.
