නිල ඇඳුම හෝ නිල හැඳුනුම්පතක් නොමැතිව කොළඹ නගරය තුළ රථවාහන ගාල් කිරීමට අදාළව මුදල් එකතු කිරීමට පැමිණෙන පුද්ගලයින්ට මුදල් ලබා නොදෙන ලෙස කොළඹ මහ නගර සභාව රථ වාහන හිමියන්ට දැනුම් දෙනවා.
එලෙස අනවසර ටිකට්පත් ලබා දිම් සිදු වන්නේ නම් ඒ පිළිබඳ ළඟම ඇති පොලිස් ස්ථානයට දැනුම් දෙන ලෙසයි එහි නියෝජ්‍ය අධ්‍යක්ෂ ඉංජිනේරු මංජුල කුලරත්න මහතා සඳහන් කරන්නේ.
එමෙන්ම රථ ගාලක වාහනය නැවැත්වීමෙන් පසු මිනිත්තු 5ක සහන කාලයක් ලබා දෙන බව ද ඒ මහතා සඳහන් කලා.
එමෙන්ම යම් හෙයකින් මුදල් එකතු කරන තැනැත්තා වාහනය රථ ගාලෙන් පිටත් වන අවස්ථාවේදී එම ස්ථානයේ නොසිටිය හොත් මුදල් ගෙවීමට අවශතාවයක් නොමැති බවයි ඒ මහතා වැඩිදුරටත් කියා සිටියේ.
