කොළඹ පහ රාමනාදන් හින්දු විද්යාලයේ දෙමාපියන් පිරිසක් විරෝධතාවක නිරත වීම හේතුවෙන් ඩුබ්ලිකේෂන් පාර සම්පුර්ණයෙන්ම අද අවහිර වුනා..
දිල්සි හම්සිකා සිසුවිය ඝාතනය කිරීමේ සිද්ධියට ගුරුවරුන් දෙදෙනෙකු වගකිව යුතු බවට චෝදනා කරමිනුයි දෙමාපියන් පිරිසක් මෙසේ විරෝධතාවක නිරතව ඇත්තේ.
පසුගිය 29 වනදා මෙම සිසුවිය මිය ගොස් තිබුණා.
විරෝධතාකරුවන් විද්යාලය ඉදිරිපිට මාර්ගය අවහිර වන සේ විරෝධතාවේ නිරත වන බවයි වාර්තා වුනේ.
පොලිස් කැරළි මර්දන ඒකකය ද මෙම ස්ථානයට කැඳවා තිබුනා.
මෙම සිදුවීම සම්බන්ධයෙන් අධ්යාපන අමාත්යාංශය විශේෂ නිවේදනයක් නිකුත් කර තිබෙනවා.
එහි සඳහන්ව ඇත්තේ අදාළ සිදුවීම සම්බන්ධයෙන් මේ වනවිට නොසන්සුන්කාරී තත්ත්වයක් හට ගෙන ඇති අතර, ඒ සඳහා අමාත්යාංශයේ අවධානය යොමු වූ බවයි.
ඒ අනුව අදාළ විද්යාලයේ විදුහල්පතිවරයාගෙන් නිදහසට කරුණු විමසීමටත්, සිද්ධියට අදාළ ගුරුවරයා වහාම ස්ථාන මාරු කිරීමටත් කටයුතු කර ඇතැයි අමාත්යාංශය නිකුත් කළ නිවේදනයේ වැඩි දුරටත් දක්වා තිබෙනවා.
මේ වනවිට අදාළ සිදුවීම සම්බන්ධයෙන් පොලිස් විමර්ශන වාර්තාවක් කැඳවා ඇති අතර, වාර්තාව ලද වහාම විනය ක්රියාමාර්ග ගැනීමට කටයුතු කරන බවයි ද අදාළ නිවේදනයේ දක්වා ඇත්තේ.
උණුසුම් පුවත්
- පාකිස්ථානයේ ප්රබල භූ කම්පනයක්
- පාසල් 18ක් වෙත ඩෙංගු රතු නිවේදන
- ආනයනය කරන ලද පළමු පොල් කිරි තොගය රසායනාගාර පරීක්ෂාවට යොමු කෙරේ
- අධ්යාපන අමාත්යංශයේ ක්රිස්තියානි උපදේශක මණ්ඩලය සඳහා ලිපි ප්රදානය අග්රාමාත්ය ආචාර්ය හරිනි අමරසූරිය අතින්
- දේශපාලන රැකවරණය මත ගොඩනැගී තිබූ අපරාධ රාජ්යය වෙනුවට, යහපත් රටක් ජනාධිපති කියයි
- දැඩි සුළඟට බම්බලපිටිය පොලිසියේ වහළත් ඉඟිලෙයි
- විදුලි බලමණ්ඩලයෙන් දැනුම්දීමක්
- මාලිමාවේ කිසිම සෙළවීමක් දෙදරීමක් හෝ පිපිරීමක් නෑ…