ලිස්ටීරියා රෝගය වාර්තා වූ ප්රදේශ ආශ්රිතව වසංගතවේද විමර්ශනයක් ආරම්භ කර ඇතැයි සත්ත්ව නිෂ්පාදන හා සෞඛ්ය දෙපාර්තමේන්තුව පවසනවා .
විමර්ශන කණ්ඩායම් අදාල ප්රදේශවලට යොමු කෙරෙන බවයි එහි අධ්යක්ෂ ජනරාල් හේමාලි කොතලාවල මහත්මිය පැවසුවේ .
සත්ත්ව මාංශ හා කිරි හරහා ද ලිස්ටීරියා රෝගය ආසාදනය විය හැකි බව ශ්රී ජයවර්ධනපුර විශ්වවිද්යාලයේ ක්ෂුද්රජීව විද්යා අධ්යනාංශය පවසනවා.
එහි ප්රධානී ආචාර්ය තුෂාරී දිසානායක මහත්මිය සඳහන් කළේ, ගවයින් ඇතුළු ක්ෂීරපායි සතුන් අතර මෙම බැක්ටීරියාව පවතින බවයි.
මේ අතර පසුගිය මාසයේදී රත්නපුර මහ රෝහලෙන් ලිස්ටිරියා ආසාදිතයෙකු හඳනා ගනු ලැබුවා.
එම රෝගියා මිය ගොස් ඇති අතර, ඉන් සති 2ත් 3ත් අතර කාල සීමාවක් තුළ තවත් රෝගී දරුවන් දෙදෙනෙකු එම රෝහලේදීම මිය ගොස් ඇති බව වසංගත රෝග විද්යා ඒකකය පැවසුවා .
ආසාදිතයින් තිදෙනාටම ශ්රී පාද වන්දනාවේ නිරත වී තිබුනා. මේ හේතුවෙන් සෞඛ්ය බලධාරීන් වැඩිදුර පරීක්ෂණ සඳහා ශ්රී පාද ස්ථානයට ආසන්න ප්රදේශවල වෙළෙඳසැල්වලින් පසුගියදා ආහාර සාම්පල් ලබා ගනු ලැබුවා.
මේ සමබන්ධයෙන් ශ්රී ලංකා මහජන සෞඛ්ය පරීක්ෂකවරුන්ගේ සංගමයේ සභාපති උපුල් රෝහණ ,මහතා අදහස් පල කළා .
