ඒ අනුව අද දෙවන දිනටත් ජාත්‍යන්තර මූල්‍ය අරමුලලේ ණය ලැබීම ගැන ජනාධිපති රනිල් වික්‍රමසිංහ මහතා සිදු කළ ප්‍රකාශය ගැන සභාව කල් තැබීමේ විවාදය පැවැත්වෙනවා.
විපක්ෂය සිදු කළ ඉල්ලීමකට අනුවයි ඊයේ දිනයේදී මෙම විවාදය ආරම්භ කෙරුණේ.
ජනාධිපතිවරයා මේ පිළිබද සිදු කළ කතාවේදී වැදගත්ම ලිපියක් සභාගත නොකල බවත්, අදාළ ලිපිය නොමැතිව විවාදය සිදු කර පළක් නොවන බවත් ඊයේ විවාදයේදී අදහස් පළ කරමින් සමගි ජන බලවේගයේ පාර්ලිමේන්තු මන්ත්‍රී ආචාර්ය හර්ෂ ද සිල්වා මහතා පැවසුවා.
මේ අතර රාජ්‍ය ගිණුම් පිළිබද කාරක සභාව හෙවත් කෝපා කමිටුව සහ පොදු ව්‍යාපාර කාරක සභාව හෙවත් කෝප් කමිටුව අද රැස්වීමට නියමිතව තිබෙනවා.
වෘත්තිය පුහුණු අධිකාරිය අද කෝප් කමිටුව හමුවට කැදවා තිබෙනවා.
මේ අතර පාර්ලිමේන්තුවේ කාරක සභා දෙකකට අදළ සභාපතිවරැන් පත්කර තිබෙනවා.
ඒ අනුව මහජන පෙත්සම් කාරක සභාවේ සභාපති ධුරය සදහා පත්කර ඇත්තේ පාර්ලිමේන්තු මන්ත්‍රී ගාමිණි ලොකුගේ මහතායි.
පාර්ලිමේන්තු මන්ත්‍රී ජගත් කුමාර මහතා විවෘත සහ වගකිවයුතු රජයක් පිළිබද ආංශික අධීක්ෂණ කාරක සභාවේ සභාපතිවරයා ලෙස පත්කෙරැණා.
