ගාසා නගරය අත්පත් කර ගැනීම සදහා ඊශ්‍රායල හමුදාව ගොඩබිම් ප්‍රහාර ආරම්භ කර තිබෙනවා.
ඒ ගාසා නගරය මුළුමනින්ම අත්පත් කර ගැනීමේ සැලැස්මේ පළමු අදියර ලෙසයි.
ඊශ්‍රායලය ගාසා තීරයේ තදාසන්න ප්‍රදේශවල පාලනය මේ වන විට අත්පත් කරගෙන ඇති බවයි විදෙස් වාර්තා සදහන් කළේ.
ඊශ්‍රායල ආරක්ෂක අමාත්‍ය ඊශ්‍රායල් ක්‍රැට්ස් විසින් ගාසා නගරය අත්පත් කර ගැනීම සඳහා සැලැස්මක් අනුමත කර තිබුණා.
එම මෙහෙයුම සදහා අතිරේක හමුදා භටයින් 60,000 ක් පමණ කැඳවා ඇති බව විදෙස් වාර්තා සදහන් කලා.
මේ අතර, හමාස් සංවිධානය චෝදනා කළේ, අහිංසක සිවිල් වැසියන්ට එරෙහිව කුරිරු යුද්ධයක් ආරම්භ කිරීම සඳහා ඊශ්‍රායලය සටන් විරාම ගිවිසුම ප්‍රතික්ෂේප කර ඇති බවයි
