උඩවළවේ ජලාශයට සමනලවැවෙන් ජලය නිකුත් කළහොත් දකුණු පළාතට පැය තුනක විදුලි කප්පාදුවක් ක්රියාත්මක කිරීමට සිදුවනු ඇතැයි ලංකා විදුලි බල මණ්ඩලය අවධාරණය කරනවා.
මේ දිනවල පවතින දැඩි නියඟය හේතුවෙන් උඩවලවේ ජලාශය යටතේ වගා කර ඇති කුඹුරු ඉඩම් අක්කර 50,000කට වැඩි ප්රමාණයක් විනාශව යාමේ තත්ත්වයට මුහුණ පා තිබුණා.
පසුගියදා කෘෂිකර්ම, මහවැලි, වාරිමාර්ග හා විදුලි බල අමාත්යාංශ නිලධාරින් සමග සමනලවැවේ සිට උඩවළවේ ජලාශයට දින 10කට සෑහෙන ජලය ප්රමාණයක් ලබා ගැනීම සම්බන්ධව සාකච්ඡා කළා.
මෙම ජල හිඟයට විසදුමක් ලබා දීමේ අරමුනින් මෙම සාකච්ඡාව පවත්වනු ලැබුවා.
එහිදී අවධාරණය වූ කරුණු අතර සමනල වැවට හා උඩවළවේ ජලාශයට පසුගිය කාලය තුළ අපේක්ෂිත වර්ෂවෙන් ලැබී ඇත්තේ සියයට 50ක ජල ධාරිතාවක් බව වාරිමාර්ග දෙපාර්තමේන්තුව සදහන් කළා.
