ඉන්දීය ප්‍රිමියර් ලීග් ක්‍රිකට් තරඟාවලියේ 58 වැනි තරඟයෙන් ලකුණු 60ක ජයක් වාර්තා කිරීමට රෝයල් චැලෙන්ජර්ස් බැංගලූරූ කණ්ඩායම ඊයේ සමත් වුණා.
ඒ පංජාබ් කිංග්ස් කණ්ඩායම පරාජයට පත් කරමින්.
තරඟයේ පළමුවෙන් පන්දුවට පහරදුන් බැංගලූරූ කණ්ඩායම නියමිත පන්දුවාර 20 අවසානයේ කඩුලු 07ක් දැවී ලකුණු 241ක් රැස් කළා.
එහිදී අගනා ඉනිමක් ක්‍රීඩා කළ විරාත් කෝලී පන්දු 47දී ලකුණු 92ක් රැස් කළ අතර, රාජත් පතිදාර් පන්දු 23දී ලකුණු 55ක් සහ කැමරන් ග්‍රීන් පන්දු 27දී ලකුණු 46ක් රැස් කළා.
පන්දු යැවීමේදී හර්ෂාල් පටෙල් ලකුණු 38කට කඩුලු 03ක් බිඳ හෙළුවා.
ඒ අනුව පිළිතුරු ඉනිම ක්‍රීඩා කළ පංජාබ් කණ්ඩායමට පන්දුවාර 17ක් අවසානයේ සියලුදෙනා දැවී රැස්කරගත හැකි වූයේ ලකුණු 181ක් පමණයි.
පන්දු යැවීමේදී මොහොමඩ් සිරාජ් ලකුණු 43ට කඩුලු 3ක් බිඳ හෙලුවා.
Array
