ඉන්දියාවේ කර්ණාටක ප්රාන්තයේ බැංගලෝර් හි මේ දිනවල පැවැත්වෙන “Aero India 2025″ගුවන් සංදර්ශනයේ විශේෂ ආරාධිත අමුත්තෙකු ලෙස සහභාගි වී සිටින ආරක්ෂක ලේකම් විශ්රාමික එයාර් වයිස් මාර්ෂල් සම්පත් තුයියකොන්තා මහතා ඊයේ ඉන්දීය ආරක්ෂක ලේකම් ශ්රී රාජේෂ් කුමාර් සිං මහතා හමුවුණා.
මෙම සාකච්ඡාවේදී ,දෙරටේ අන්යොන්ය මුහුදු සිමාවන් තුල නීතිවිරෝධී මසුන් ඇල්ලීම මැඩලීමේ ක්රියාමාර්ග,සමුද්රීය ආරක්ෂාව ශක්තිමත් කිරීම සහ දෙරටේ ආරක්ෂක හමුදා සඳහා විවිධ පුහුණු අවස්ථාවන් පුළුල් කිරීම ඇතුළු අන්යොන්ය වශයෙන් වැදගත් කරුණු කිහිපයක් සම්බන්ධයෙන් අවධානයට ලක් වුණා.
මීට අමතරව,දෙරටේ ආරක්ෂක විෂය ක්ෂේත්රයන් තුල සහයෝගීතාව වර්ධනය කරමින් ද්විපාර්ශ්වික හමුදා සබඳතා තවදුරටත් ශක්තිමත් කර ගැනීම වෙනුවෙන් ගත හැකි ක්රියාමාර්ග පිළිබඳව ද සාකච්ඡා වී තිබෙනවා.
