රාජ්ය පරිපාලන, පළාත් සභා සහ පළාත් පාලන අමාත්යාංශය මෙහෙයවීමෙන් රුපියල් මිලියන 2500ක ආදායම් උත්පාදන සංවර්ධන ව්යාපෘති මලාවක් අද සිට දිවයින පුරා ආරම්භ වනවා. රාජ්ය පරිපාලන, පළාත් සභා සහ පළාත් පාලන අමාත්යාංශය සඳහන් කළේ, දේශීය ආර්ථිකය සහ සාමාජීය තත්ත්වය ශක්තිමත් කිරීම මෙහි ප්රධාන අරමණු බවයි. ”පුනරුදයේ පුරවර”ජාතික වැඩසටහන යටතේ මෙම ව්යාපෘතිය දිවයින පුරා ක්රියාත්මක වීමට නියමිතයි. ඒ අනුව එහි පළමු වැඩසටහන රාජ්ය පරිපාලන පළාත් සභා සහ පළාත් පාලන අමාත්යවරයාගේ සහ නියෝජ්ය අමාත්යවරයාගේ ප්රධානත්වයෙන් පුත්තලම මදුරනකුලිය ප්රදෙශයේ සහ අගුණුකොලපැලැස්ස ප්රදේශයේදී අද පැවැත්වෙනවා. ක්ෂේත්ර ගණනාවකට අයත් ව්යාපෘති 100 කට අධික සංඛ්යාවක් එම ආදායම් උත්පාදන වැඩසටහනට ඇතුළත් වනවා. මේ යටතේ වෙළද සංකීර්ණ, පානීය ජල ව්යාපෘති, කෘෂිකාර්මික සංවර්ධන ව්යාපෘති, සංචාරක බංගලා, නිවාඩු නිකේතන, වාහන සේවා මධ්යසථාන වැනි ව්යාප්ෘති ආරම්භ කිරීමට නියමිතයි.
