ශ්‍රී ලංකා වයස අවුරුදු 23 න් පහළ පාපන්දු කණ්ඩායම සහ කටාර් කණ්ඩායම අතර සුහද පාපන්දු තරගයක් පැවැත්වුණා.
2022 FIFA ලෝක කුසලාන අවසන් මහා තරගය පැවැත් වූ ලුසයිල් පාපන්දු ක්‍රීඩාංගණයේ දී මෙම තරගය පැවැත්වීම විශේෂත්වයක්.
මෙම තරගයේ පළමු අර්ධය තුළ කටාර් ක්‍රීඩකයින් විසින් එක් ගෝලයක් වාර්තා කරමින් තරගයේ පෙරමුණ ගැනීමට සමත් වුණා.
කෙසේ වෙතත් තරගයේ දෙවැනි අර්ධයේ දී රාහුල් සුරේශ් විසින් දඬුවම් පහරක් සාර්ථක කර ගැනීමත් සමඟ තරගයේ ගෝල සංඛ්‍යාව සම මට්ටමට පැමිණියා.
ඒ අනුව තරගය ජය පරාජයෙන් තොරව අවසන් වුණා.
පාපන්දු ලෝක කුසලාන වරම් හිමි කරගත් කටාර් කණ්ඩායමට එරෙහිව ශ්‍රී ලංකා ක්‍රීඩකයින් මෙම තරගයේදී දැක්වූ දස්කම් කැපී පෙනුණා.
එමෙන්ම ලොව ඉහළම පිළිගැනීමක් ඇති පාපන්දු ක්‍රීඩාංගණයක ක්‍රීඩා කිරීමට මෙරට ක්‍රීඩකයින්ට අවස්ථාව ලැබීමද මෙහි විශේෂත්වයක් වනවා.
