පාර්ලිමේන්තුව අදත් පෙරවරු 09.30ට රැස්වුණා.
අද දිනයේදී පෞද්ගලික මන්ත්‍රී යෝජනා කිහිපයක් සම්බන්ධයෙන් විවාදය පැවැත්වෙනවා.
මේ අතර හිටපු ජනාධිපති රණසිංහ ප්‍රේමදාස මහතාගේ පුතා වූ පමණින් පියා සිදු කළ සියල්ල නිවැරදි බවට සදහන් නොකරන බව විපක්ෂනායක සජිත් ප්‍රේමදාස මහතා ඊයේ පාර්ලිමේන්තුවේදී සදහන් කළා.
වෘත්තීය සමිති නායකයෙකුගේ ගැටළුවක් සම්බන්ධයෙන් ඊයේ පාර්ලිමේන්තුවේදී යොමු කළ ප්‍රශ්නයකට අග්‍රාමාත්‍ය දිනේෂ් ගුණවර්ධන මහතාගේ ප්‍රකාශයක් කළ අතර, ඊට ප්‍රතිචාර දක්වමිනුයි විපක්ෂනායකවරයා මේ බව සදහන් කළේ.
එහිදී මේ ආකාරයෙන් සජිත් ප්‍රේමදාස මහතා වෘත්තීය සමිති නායකයා සම්බන්ධයෙන් ගැටළුව ඉදිරිපත් කළා.
ඊට පිළිතුරු ලබා දෙමින් අග්‍රාමාත්‍ය දිනේෂ් ගුණවර්ධන මහතා සදහන් කළේ මෙම ප්‍රශ්නයට කඩිනමින් පිළිතුරක් ලබා දීමට කටයුතු කරන බවයි.
එමෙන්ම විපක්ෂනායකවරයාගේ පියා වෘත්තීය සමිති නායකයන් සියල්ල ගෙදර යැවීමට කටයුතු කළ බවද ඔහු සදහන් කළා.
එහිදී විපක්ෂනායකවරයා සහ අග්‍රාමාතවරයා මෙලෙස අදහස් පළ කළා.
