ඉලෙක්ට්‍රොනික ආදායම් බලපත්‍ර නිකුත් කිරීම හෙට සිට අත්හිටුවීමට නියමිතයි. එළඹෙන 28 වනදා දක්වා මෙම පහසුකම අත්හිටුවා තිබෙනවා. අදාළ පද්ධතියේ පවතින යාවත්කාලීන කිරීමක් හේතුවෙන් මෙලෙස එම සේවාවන් අත්හිටුවීමටයි සිදුව ඇත්තේ .ඒ අනුව පළාත් ප්‍රධාන ලේකම්වරුන්ගේ නිල එකඟතාවය සහ අනුමැතිය මත මෙම පද්ධති සංක්‍රමණ ක්‍රියාවලිය සිදු කෙරෙනවා. දිවයින පුරා ක්‍රියාත්මක ඉලෙක්ට්‍රොනික ආදායම් බලපත්‍ර පද්ධතියේ සමස්ත ක්‍රියාකාරීත්වය, ස්ථාවරත්වය සහ විශ්වසනීයත්වය ඉහළ නැංවීම සඳහා තීරණාත්මක යටිතල පහසුකම් යාවත්කාලීන කිරීමක් ලෙස මෙය සිදුකෙරෙනු ඇති.
