විදුලි සැර වැදීමෙන් කාන්තාවක් සහ දැරියක් ගලහ ප්රදේශයේදී මියගොස් තිබනෙවා.
පොලිසිය කියා සිටියේ ඊයේ(07) දහවල් කාලයේ ගලහ, නවනැලිය ප්රදේශයේදී විදුලිය සැර වැදී කාන්තාවක් සහ දියණියක් දෙල්තොට රෝහලට ඇතුළත් කිරීමෙන් පසු මියගොස් ඇති බවයි.
මෙලෙස මරණයට පත්ව ඇත්තේ වයස අවුරුදු 46ක් වූ කාන්තාවක් සහ අවුරුදු 13ක් වූ කිරිබෝගහහින්න, නවනැලිය ප්රදේශයේ පදිංචිකාරියන් දෙදෙනෙක් බවද පොලිසිය පවසනවා.
දිට්වා සුළි කුණාටුවෙන් මරණකාරියන්ගේ නිවස ආසන්නයේ විදුලි කණුවක් කැඩී ගොස් තිබී ඇති අතර මෙම මව සහ දියණිය කරපිංචා ගහක කරපිංචා කැඩීමට ගිය අවස්ථාවේ කැඩී ගිය එක් විදුලි රැහැනක් කරපිංචා ගස මතට වැටී තිබියදී මෙම මවට හා දියණියට විදුලි සැර වැදී මරණය සිදුව ඇති බවට සිදු කළ විමර්ශනයේදී හෙළිව ඇති බවයි පොලිසිය කියා සිටියේ.
සිද්ධිය සම්බන්ධයෙන් ගලහ පොලිසිය වැඩිදුර විමර්ශන සිදු කරනු ලබනවා.
