ඉන්දීය ප්‍රිමියර් ලීග් ක්‍රිකට් තරගාවලියේ 46 වැනි තරගයෙන් ජය ගැනීමට මුම්බායි ඉන්දියන් කණ්ඩායම ඊයේ සමත් වුණා.
ඒ පංජාබ් කිංග්ස් කණ්ඩායම කඩුළු 06න් පරාජයට පත් කරමින්.
තරගයේ පළමුවෙන් පන්දුවට පහරදුන් පංජාබ් කණ්ඩායම නියමිත පන්දුවාර 20 අවසානයේ කඩුළු 03ක් දැවී ලකුණු 214ක් රැස් කළා.
එහිදී ලියම් ලිවිංග්ස්ටන් නොදැවී පන්දු 42 දී වේගවත් ලකුණු 82ක් රැස් කිරීමට සමත් වුණා.
පිළිතුරු ඉනිම ක්‍රීඩා කළ මුම්බායි කණ්ඩායම පන්දුවාර 18යි පන්දු 5ක් අවසානයේ කඩුළු 4ක් පමණක් දැවී ලකුණු 216ක් ලබා ගනිමින් තරගය ජයග්‍රහණය කළා.
එහිදී ඉෂාන් කිෂාන් පන්දු 41දී ලකුණු 75ක් සහ නායක සූර්යකුමාර් යාදව් පන්දු 31දී ලකුණු 66ක් ලබා ගත්තා.
මේ අතර, ඊයේ සවස චෙන්නායි සුපර් කිංග්ස් කණ්ඩායම සහ ලක්නව් සුපර් ජයන්ට්ස් කණ්ඩායම අතර පැවැති තරගය වර්ෂාව හේතුවෙන් අතහැර දැමීමට විනිසුරුවන් තීරණය කළා.
වර්ෂාව හේතුවෙන් තරගය නතර කරන විට පන්දුවට පහරදෙමින් සිටි ලක්නව් කණ්ඩායම පන්දුවාර 19යි පන්දු 2ක් අවසානයේ කඩුළු 07ක් දැවී ලකුණු 125ක් රැස් කරගෙන සිටියා.
එහිදී මශීෂ් තීක්ෂණ ලකුණු 37ට කඩුළු දෙකක් සහ මතීෂ පතිරණ ලකුණු 22ට කඩුළු 2ක් දවා ගැනීමට සමත් වුණා.
