ජාත්යන්තර මූල්ය අරමුදලින් ශ්රී ලංකාවට ලැබුණු විස්තීරණ මූල්ය පහසුකම ගැන ජනාධිපති රනිල් වික්රමසිංහ මහතා පාර්ලිමේන්තුවට අද දින විශේෂ ප්රකාශයක් සිදු කරනු ලැබුවා.
ජාත්යන්තර මූල්ය අරමුදලට අදාල එකගතා ලියවිල්ල ද ජනාධිපතිවරයා විසින් පාර්ලිමේන්තුවේදී සභාගත කරනු ලැබුවා.
අද පාර්ලිමේන්තුවේදී ජාත්යන්තර මූල්ය අරමුදල සම්බන්ධයෙන් අදහස් දක්වමින් ජනාධිපති රනිල් වික්රමසිංහ මහතා කියා සිටියේ තමා භාර ගත්තේ ගිනි ගෙන විනාශ වූ රටක් බවයි.
මෙම ජාත්යන්තර මූල්ය අරමුදලේ සහය මගින් තරුණ තරුණියන්ගේ අනාගතය යළිත් ගොඩනැගිය හැකි බවටයි ජනාධිපති රනිල් වික්රමසිංහ මහතා අවධාරණය කළේ.
විපක්ෂයෙන් කුමන චෝදනා එල්ල කළ ද ශ්රී ලංකා මාතාව අසීරු වැල් පාලමෙන් එතෙර කිරීමට තමන්ට හැකි වූ බවටයි ජනාධිපතිවරයා අද පාර්ලිමේන්තුවේදී විශේෂ ප්රකාශයක් සිදු කරමින් වැඩිදුරටත් කියා සිටියේ.
පාඩු ලබන ආයතන විකුණන බව පැවසුවද ආදායම් ලබන ආයතන විකුණා දමන්නේ කුමන හේතුවක් මතද යන්න පාර්ලිමේන්තු මන්ත්රී විමල් වීරවංශ මහතා අද පාර්ලිමේන්තුවේදී විමසා සිටියා.
මේ අතර ජාත්යන්තර මූල්ය අරමුදලේ ජයග්රහණය පිළිබදව තමන් හදවතින්ම සතුටු වන බව පාර්ලිමේන්තු මන්ත්රී කුමාර වෙල්ගම මහතා පවසනවා.
ඔහු කියා සිටියේ මෙම ජයග්රහණය සදහා විපක්ෂය ද සිය සහයෝගය පළ කළ බවයි.
කෙසේ වෙතත් සංචාරක අමාත්ය හරීන් ප්රනාන්දු මහතා කියා සිටියේ ජාත්යන්තර මූල්ය අරමුදල රජයට ලබා ගැනීමට නොහැකි වනු ඇති බවට විපක්ෂය පැවසු බවයි.
රජය සිදු කරනු ලබන නිවැරදි ප්රතිපත්තීන් සමගි ජනබලවේගය පක්ෂය විසින් කිසිවිටෙකත් ප්රතික්ෂේප නොකරන බවට පාර්ලිමේන්තු මන්ත්රී ආචාර්ය හර්ෂ ද සිල්වා මහතා ද ප්රකාශ කර සිටියා.
මේ අතර විපක්ෂ නායක සජිත් ප්රේමදාස මහතා කියා සිටියේ ජනාධිපති රනිල් වික්රමසිංහ මහතා පැවසූ පරිදි ජාත්යන්තර මූල්ය අරමුදලේ විවාදයට විපක්ෂය ද සූදානම් බවයි.
