කොල්ලුපිටිය 6 වැනි පටුමගේ පිහිටි මහල් නිවාස සංකීර්ණයක් අසල අද අලුයම වෙඩිතැබීමක් සිදුව තිබෙනවා.
පොලීසිය සඳහන් කළේ, එම වෙඩිතැබීමෙන් කාන්තාවක් තුවාල ලබා රෝහල්ගත කළ බවයි. වෙඩි තැබීම සිදුව ඇත්තේ අද අලුයම 3ට පමණ බවයි පොලිසිය පවසන්නේ. කොල්ලුපිටිය 6 වැනි පටුමගේ පිහිටි මහල් නිවාස සංකීර්ණයක උඩු මහලක සිටි පුද්ගලයෙක් එළිමහනේ සිටි කාන්තාවන් දෙදෙනෙකු ඉලක්ක කර මෙලෙස වෙඩි තබා තිබුනා.. වෙඩි වැදීමෙන් එක් කාන්තාවක් තුවාල ලබා ඇති අතර ප්රතිකාර සඳහා ඇය කොළඹ ජාතික රෝහලට ඇතුළත් කර ඇති බව වාර්තා වන්නේ. පොලිසිය පැවසුවේ, පෞද්ගලික හේතුවක් මත වෙඩිතැබීම සිදුකර ඇති බවයි. සිද්ධිය සම්බන්ධයෙන් කොල්ලුපිටිය පොලීසිය වැඩිදුර විමර්ශන සිදුකරනු ලබනවා.
