හිටපු රාජ්‍ය අමාත්‍ය දයා ගමගේ මහතාට අයත් බව කියන ආයතන තුනක් ජුලි දෙවනා උදෑසන 10ට ප්‍රසිද්ධියේ වෙන්දේසි කිරීමට කොළඹ වානිජ මහාධිකරණය නියෝග කර තිබෙනවා.
කොළඹ වානිජ මහාධිකරණයේ රෙජිස්ට්‍රාර්, නියෝජ්‍ය පිස්කල්වරයා විසින් මේ සම්බන්ධයෙන් පුවත්පත්වල ප්‍රසිද්ධ දැන්වීමක් පළකර ඇති බවද වාර්තා වනවා.
මෙලෙස දේපළ ප්‍රසිද්ධ වෙන්දේසියේ විකුණා දැමීමට තීන්දු වී ඇත්තේ පීපල්ස් ලීසිං ඇන්ඩ් ෆිනෑන්ස් සමාගමට අයවිය යුතු රුපියල් දස කෝටි හතළිස් දෙලක්ෂ විසි නව දහස් තුන්සිය හතළිස් දෙකක මුදලක් අය කර ගැනීමේ අරමුණෙන් බවයි වාර්තා වන්නේ.
දයා ගෲප් ලිමිඩට්, දයා ඇපරල් එක්ස්පෝර්ටර් (ප්‍රයිවට්) ලිමිටඩ් සහ ඔලිසපස්බ කන්ස්ට්‍රක්ෂන් ප්‍රයිවට් ලිමිටඩ් යන ආයතන එලෙස ප්‍රසිද්ධියේ වෙන්දේසි කිරීමට නියමිත බවයි වාර්තා වන්නේ.
