විදේශ ණය ප්‍රතිව්‍යුහගත කිරීමේ කටයුතු අවසන් අදියරට පැමිණ ඇති බව මුදල් රාජ්‍ය අමාත්‍ය රංජිත් සියඹලාපිටිය මහතා පවසනවා.
කෑගල්ලේදී පැවති මාධ්‍ය හමුවකට එක්වෙමින් රාජ්‍ය අමාත්‍යවරයා මේ බව ප්‍රකාශ කළා.
යෝජිත අය-වැය මගින් අධ්‍යාපනය සදහා වෙන් කර ඇති මුදල් ප්‍රමාණවත් නොවන බවට එල්ල වන චෝදනාවන්ට ද රන්ජිත් සියඹලාපිටිය මහතා මෙහිදී පිළිතුරු ලබා දුන්නා.
මේ අතර මෙවර අයවැය මගින් රාජ්‍ය සේවකයින්ගේ වැටුප් වැඩිවනු ඇතැයි අපේක්ෂා කරන බව හිටපු අමාත්‍ය මහින්දානන්ද අලුත්ගමගේ මහතා පවසනවා.
ශ්‍රී ලංකා පොදුජන පෙරමුණේ නාවලපිටිය නැගෙනහිර ආසනයේ ශාඛා සමිති ප්‍රතිසංවිධානය කිරීමේ වැඩසටහනකට එක්වෙමින් මහින්දානන්ද අලුත්ගමගේ මහතා මේ බව ප්‍රකාශ කළා.
