නායයාමේ අවදානමක් හේතුවෙන් කොස්ලන්ද මිරියබැද්ද ප්‍රදේශයේ පවුල් 244ක් ආරක්ෂිත ස්ථාන වෙත යොමුකර තිබෙනවා.
ජාතික ගොඩනැගිලි පර්යේෂණ ආයතනය නිර්දේශ මත මෙම පියවර ගත් බවයි හල්දුම්මුල්ල ප්‍රාදේශිය ලේකම් කාර්යාලය සදහන් කළේ.
ඒ අනුව එම ප්‍රදේශයේ පවුල් 144ක් කොස්ලන්ත තේ කර්මාන්තශාලාවටත් පවුල් 23ක් මල්වැන්න තේ කර්මාන්ත ශාලාවය යොමු කර තිබෙනවා.
එමෙන්ම නායයාමේ අවදානම මත තවත් පවුල් 81ක් කොස්ලන්ද සිංහල විද්‍යාලයට සහ කොස්ලන්ද දමිල විද්‍යාලයට යොමු කිරිමටයි පියවර ගෙන ඇත්තේ.
බදුල්ල දිස්ත්‍රික්කයේ හල්දුම්මුල්ල ප්‍රාදේශිය ලේකම් කොට්ඨාශය සදහා නායයාම් රතු නිවේදනය නිකුත් කර තිබෙනවා.
ජාතික ගොඩනැගිලි පර්යේෂණ ආයතනය පැවසුවේ ගාල්ල, හම්බන්තොට, මහනුවර, මාතර, නුවරඑළිය සහ රත්නපුර දිස්ත්‍රික්වල ප්‍රාදේශිය ලේකම් කොට්ඨාශ කිහිපයකට නායයාමේ අනතුරු ඇගවීම් නිකුත් කර ඇති බවයි.
අදාළ නිවේදනය අද පස්වරු 04 දක්වා බලපැවැත්වෙන බවයි ජාතික ගොඩනැගිලි පර්යේෂණ ආයතනය සදහන් කළේ.
මේ ඒ පිළිබද අදහස් දැක්වු ආපදා කළමණාකරණ මධ්‍යස්ථානයේ අධ්‍යක්ෂ විශ්‍රාමික මේජර් ජෙනරාල් සුදන්ත රණසිංහ
මේ අතර අධික වැසි සහිත කාලගුණ තත්ත්වය හමුවේ පොල්ගොල්ල ජලාශයේ වාන් දොරටු 05ක් විවෘත කර තිබෙනවා. ජලාශය භාර ඉංජිනේරු එන්.කේ.එල්.එස්.කේ ඩයස් මහතා පැවසුවේ පොල්ගොල්ල ජලාශය සහ වික්ටෝරියා ජලාශය අතර මහවැලි ගග පරිහරනය කරන ජනතාව විමසිල්ලෙන් පසුවිය යුතු බවයි.
