සමගි ජන බලවේගයට එක්වීම හේතුවෙන් පක්ෂ සාමාජිකත්වය අත්හිටවනු ලැබූ සහ විනය ක්රියාමාර්ග ගත් එක්සත් ජාතික පාක්ෂිකයන්ට පනවා තිබූ පක්ෂ තහනම් නියෝග සියල්ල ඉවත් කර තිබෙනවා .
එම තීරණය ගෙන ඇත්තේ ඊයේ පස්වරුවේ රැස්වූ එක්සත් ජාතික පක්ෂ කෘත්යාධිකාරී මණ්ඩලය විසින්.
ඒ සම්බන්ධයෙන් ක්රියා කිරීමේදී පැන නැගිය හැකි නීතිමය පසුබිම සොයා බැලීම සඳහා හිටපු නීතිපති සහ ජනාධිපති නීතිඥ තිලක් මාරපන මහතාගේ ප්රධානත්වයෙන් කමිටුවක් පත් කිරීමටද එහිදී පියවර ගෙන තිබෙනවා.
සමගි ජන බලවේගයට එක් වූ එක්සත් ජාතික පාක්ෂිකයන්ට කෘත්යාධිකාරී මණ්ඩලයේදී ගත් මෙම පියවර හේතුවෙන් යළි එක්සත් ජාතික පක්ෂය එක් වී සහයෝගයෙන් කටයුතු කිරීමට තිබූ බාධක ඉවත් වූ බවයි එම පක්ෂයේ සභාපති වජිර අබේවර්ධන මහතා සදහන් කලේ.
එක්සත් ජාතික පක්ෂ නායක , හිටපු ජනාධිපති රනිල් වික්රමසිංහගේ ප්රධානත්වයෙන් පිටකෝට්ටේ සිරිකොත එක්සත් ජාතික පක්ෂ මූලස්ථානයේදී එම කෘත්යාධිකාරී මණ්ඩල රැස්වීම පවත්වා ඇති බවයි වාර්තා වන්නේ.
හිටපු ජනාධිපති රනිල් වික්රමසිංහ අත්අඩංගුවට ගත් අවස්ථාවේ සිට පොදු සන්ධානයකින් කටයුතු කිරීම සඳහා සහභාගී වූ සියලු පාර්ශ්ව වෙත ස්තුතිය පළ කිරීමේ යෝජනාවක්ද මෙහිදී ඒකමතිකව සම්මත වුණා.
