ප්රදේශ කිහිපයක ගොවීන්ට මෙවර මහ කන්නයට කිසිදු පොහොරක් ලැබී නොමැති බව වාර්තා වනවා.
පොලොන්නරුව ඇලහැර – දියබෙදුම – ජඹුරේවෙල ප්රදේශයේ ගොවීන් 70කට වැඩි පිරිසක් කුඹුරු අක්කර දෙසියකට අධික ප්රමානයක් වගා කර ඇති අතර එම ගොවීන් මීට මාසයකට පමණ පෙර පොහොර ලබා ගැනීමට මුදල් ගෙවා අවසන් කලද පොහොර නොලැබීමෙන් දැඩි අපහසුතාවකට පත්ව ඇති බවයි සඳහන් කරන්නේ.
කුඹුරු අක්කර එකසිය පනහකට ආසන්න ප්රමාණයක් වගා කර ඇති තමනටද පොහොර නොලැබුණු බවයි
අනුරාධපුර තිරප්පනේ ඌරාකොට ප්රදේශයේ ගොවීන් මැසිවිලි නගන්නේ.
අයහපත් කාලගුණ තත්ත්වයත් සමඟ බාධා එල්ල වු පොහොර බෙදා බෙදාහැරීමේ කටයුතු අද නැවත සාමාන්ය පරිදි ආරම්භ කළ බව ලංකා පොහොර සමාගම සහ කොමර්ෂල් පොහොර සමාගම කෘෂිකර්ම අමාත්යංශයට දැනුම් දී තිබෙනවා.
