සෞඛ්ය හා කර්මාන්ත අමාත්ය වෛද්ය රමේෂ් පතිරණ මහතාගේ උපදෙස් පරිදි සෞඛ්ය අමාත්යාංශය විසින් ග්රාමීය ජනතාවගේ සෞඛ්ය තත්ත්වයන් ඉහළ නැංවීම ප්රධාන අරමුණ කර ගනිමින්, නිදන්ගත රෝග මෙන්ම සර්වාංග රෝග හඳුනා ගැනීම, ප්රතිකාර ලබා දීම, ඉදිරි ප්රතිකාර සේවාවන් සදහා රජයේ රෝහල් වල සායන සදහා යොමු කිරිම, අරමුණු කර ගනිමින් දීප ව්යාප්තව පවත්වනු ලබන “සුව උදාන” ජංගම සෞඛ්ය සායන වැඩසටහන් මාලාවේ තවත් එක් වැඩසටහනක් ඊයේ (13) ගාල්ල බෝපේ, පෝද්දල ප්රාදේශීය ලේකම් කොට්ඨාසයේ උළුවිටිකේ , ආචාර්ය රිචඩ් පතිරණ විද්යාලයේ දී ආරම්භ කෙරිණි.
විශේෂඥ වෛද්ය, වෛද්ය, හෙද ඇතුලු සෞඛ්ය කාර්ය මණ්ඩලවල සහභාගීත්වයෙන් පැවැත්වෙන මෙම “සුව උදාන” ජංගම වෛද්ය සායනය තුළින් ජංගම රසායනාගාර සේවා, දන්ත වෛද්ය සායනය, අක්ෂි සායනය, රුධිරයේ සීනි මට්ටම පරික්ෂාව, රුධිරයේ මේද මට්ටම පරීක්ෂාව, ශරීර ස්කන්ධ දේහ දර්ශකය මැනීම, රුධිර පීඩනය මැනීම, සුවනාරි සායනය, ආයුර්වේද සායනය, වකුගඩු සායනය, බෝනොවන රෝග පිළිබද සායනය සහ චීන කටු චිකිත්සාව, සෞඛ්ය අධ්යාපන වැඩසටහන් ඇතුලු වෛද්ය සේවාවන් රැසක් මෙන්ම ඖෂධ නිකුත් කිරීම ද සිදු කෙරේ.
කොළඹ ජාතික රෝහල, කොළඹ ජාතික අක්ෂි රෝහල මෙන්ම ගාල්ල කරාපිටිය ජාතික රෝහල,සෞඛ්ය වෛද්ය නිලධාරී කාර්යාල නියෝජනය කරමින් විශේෂඥ වෛද්යවරුන්,
වෛද්යවරුන්, හෙද හෙදියන්, පරිපූරක හා අතුරු වෛද්ය සේවාවට අයත් හා කනිෂ්ඨ කාර්ය මණ්ඩල සහභාගීත්වයෙන් පැවැත්වෙන මෙම සායනයෙන් ප්රතිකාර සේවාවන් ලබාගැනීම සඳහා ගොඩකන්න, කරාපිටිය, නාවින්න, හිරිඹූර, උලුවිටික වැනි ග්රාම නිලධාරි වසම්වල විශාල ජනතාවක් මෙම අවස්ථාවට එක්ව සිටියහ.
