විස්සයි විස්ස ලෝක කුසලාන ක්‍රිකට් තරගාවලියේ ශ්‍රී ලංකාව සහ ඕස්ට්‍රේලියාව අතර පැවැති තරගයෙන් කඩුලු 8ක විශිෂ්ඨ ජයක් ලබාගැනීමට ශ්‍රී ලංකා කණ්ඩායම ඊයේ(16) සමත් වූවා.
ඒ ශ්‍රී ලංකා කණ්ඩායම තරගාවලියේ සුපිරි අට වටයට සුදුසුකම් ලබමින්.
තරගය පැවැත්වුණේ පල්ලෙකැලේ ජාත්‍යාන්තර ක්‍රිකට් ක්‍රීඩාංගණයේදීයි.
තරගයේ කාසියේ වාසිය දිනාගත් ශ්‍රී ලංකා කණ්ඩායම පළමුවෙන් පන්දු රැකීමට තීරණය කළා.
ඒ අනුව පන්දුවට පහරදීමට පිටියට පැමිණි ඕස්ට්‍රේලියානු කණ්ඩායම නියමිත පන්දුවාර 20 අවසානයේ කසියලු දෙනා දැවී ලකුණු 181ක් ලබාගැනීමට සමත් වූවා.
ඕස්ට්‍රේලියානු කණ්ඩායම වෙනුවෙන් මිචෙල් මාර්ෂ් සහ ට්‍රැවිස් හෙඩ් අර්ධ ශතක රැස් කිරිමට සමත් වූවා.
Mitchell Marsh ලකුණු 54ක් ලබාගැනීමට සමත් වූ අතර Travis Head ලකුණු 56ක් ලබාගැනිමට සමත් වූවා.
Josh Inglis ලකුණු 27කටත් Glenn Maxwell ලකුණු 22කටත් දැවී ගියා.
සෙසු කිසිදු ක්‍රීඩකයෙක් ලකුණු 10 සීමාව පසු කිරීමට සමත් වූයේ නැහැ.
පන්දු යැවීමේදී ශ්‍රී ලංකා කණ්ඩයමේ දුෂාන් හේමන්ත කඩුලු තුනක් දවා ගැනීමට සමත් වූ අතර දුෂ්මන්ත චමීර කඩුලු දෙකක් දවා ගැනීමට සමත් වූවා.
මහීස් තික්ෂණ, දුනිත් වෙල්ලාලගේ සහ කමිඳු මෙන්ඩිස් එක් කඩුල්ල බැගින් දවා ගැනීමට සමත් වූවා.
ලකුණු 182ක ජයග්‍රාහී ඉලක්කයක් හඹා යාමට පිටියට පැමිණි ශ්‍රී ලංකා කණ්ඩායමට පන්දුවාර 18ක් අවසානයේ කඩුලු දෙකක් පමණක් දැවී සිය ජයග්‍රහණය තහවුරු කරගැනිමට සමත් වූවා.
එහිදී ආරම්භක පිතිකරු පැතුම් නිශ්ශංක නොදැවී ලබාගත් ලකුණු 100 තරගයේ ජයග්‍රහණය දැඩි ලෙස බලපෑම් කළා.
පැතුම් සිය ශතක රැස් කිරීමේදී පන්දු 52කදී හයේ පහර පහක් සහ හතරේ පහර 10ක් එල්ල කර තිබෙනවා.
එසේම ඊට අනගි සහයක් ලබාදුන් කුසල් මෙන්ඩිස් පන්දු 38කදී හයේ පහරක් සහ හතරේ පහර 6ක් සමගින් ලකුණු 51ක් ලබාගැනීමට සමත් වූවා.
කුසල් මෙන්ඩිස්ගේ දැවී යාමෙන් අනතුරුව පැතුම් සමග එක්වූ පවන් රත්නායක පන්දු 15කදී හතරේ පහර 6ක් සමගින් ලකුණු 28ක් ලබාගැනීමට සමත් වූවා.
ඒ අනුව ශ්‍රී ලංකා කණ්ඩායම සිය ජයග්‍රහනය තහවුරු කරගනු ලැබුවා.
පන්දු යැවීමේදී ඕස්ට්‍රේලියා කණ්ඩායම වෙනුවෙන් Marcus Stoinis කඩුලු 2ක් දවා ගැනීමට සමත් වූවා.
තරගයේ වීරයා ලෙස නම් කෙරුණේ පැතුම් නිශ්ශංකයි.
ශ්‍රී ලංකාව සහභාගි වන මීළඟ තරගය එළැඹෙන 19 වැනිදා සවස 3ට කොළඹ ආර්. ප්‍රේමදාස ජාත්‍යන්තර ක්‍රිකට් ක්‍රීඩාංගණයේදී සිම්බාබ්වේ කණ්ඩායම සමගින් පැවැත්වීමට නියමිතයි.
