කැරිබියන් මුහුදු ප්‍රදේශයේදී මත්ද්‍රව්‍ය ජාවාරමේ යෙදුණු බවට සැක කෙරෙන බෝට්ටුවකට එල්ල කළ අමෙරිකානු ප්‍රහාරයකින් පුද්ගලයින් සිව් දෙනෙකු මියගොස් තිබෙනවා. නිවේදනයක් නිකුත් කරමින් අමෙරිකානු හමුදාව සඳහන් කර ඇත්තේ, එම යාත්‍රාව මත්ද්‍රව්‍ය ජාවාරම් සිදුකරන බවට බුද්ධි තොරතුරු මගින් අනාවරණය වී තිබු බවයි. පසුගිය අගෝස්තු මාසයේදී ද කැරබියන් මුහුදේ මත්ද්‍රව්‍ය ජාවාරම් සිදුකළ යාත්‍රාවක් ඉලක්ක කර ගනිමින් අමෙරිකානු හමුදාව එල්ල කළ ප්‍රහාරයකින් පුද්ගලයින් සිව් දෙනෙකු මියගොස් තිබුණා. කැරබියන් මුහුදේ සහ නැගෙනහිර පැසිෆික් සාගරයේ මත්ද්‍රව්‍ය ප්‍රවාහනය කරන බවට චෝදනා එල්ල වී ඇති යාත්‍රා ඉලක්ක කර ගනිමින් අමෙරිකානු පරිපාලනය විසින් මෙවැනි ප්‍රහාර එල්ල කරනු ලබනවා.. අමෙරිකානු බලධාරීන්ට අනුව අදාල මත්ද්‍රව්‍ය මෙහෙයුම්වලදී පුද්ගලයින් 210 දෙනෙකුට වැඩි පිරිසක් මියගොස් ඇති බව විදෙස් මාධ්‍ය වාර්තා කරනවා.
