Author: VNews

2024 ලෝක කුසලාන විස්සයි විස්ස තරගාවලියේ සුපර් එයිට් වටය සදහා සුදුසුකම් ලැබීමට අමෙරිකානු කණ්ඩායම සමත් වුණා. ඒ අයර්ලන්තය සමග පැවති තරගය වර්ෂාව හමුවේ විසදුමකින් තොරව අවසන් වීමත් සමගයි. ඒ අනුව ඇමරිකාවට සහ අයර්ලන්තයට ප්‍රසාද ලකුණු එක බැගින් හිමිවුණා. අමෙරිකාවට හිමිවු ප්‍රසාද ලකුණුත් සමග ඔවුන් ප්‍රසාද ලකුණු පහක් ලබා ඒ කාණ්ඩයෙන් සුපර් එයිට් වටයට සුදුසුකම් ලබා ගත්තා. ඒ සමගම ඒ කාණ්ඩයේ තෙවන ස්ථානයේ පසුවන පාකිස්ථානයට මුලික වටයෙන්ම ලෝක කුසලාන තරගාවලියෙන් ඉවත් වීමට සිදුව තිබෙනවා.

ප්‍රහාරක ජෙට් යානා ගනුදෙනුවක් සම්බන්ධයෙන් ඉන්දියාව සහ ප්‍රංශය සාකච්ඡා කරමින් සිටින බව ඉන්දීය මාධ්‍ය වාර්තා කර තිබෙනවා. එහි දැක්වෙන්නේ රෆාල් මැරීන් ප්‍රහාරක ගුවන් යානා 26ක ගණුදෙනුවක් සම්බන්ධයෙන් ඉන්දියාව සහ ප්‍රංශය අතර සාකච්ඡා සිදුවන බවයි. අදාළ ගණුදෙනුව සම්බන්ධයෙන් සාකච්ඡා කිරීම සදහා ප්‍රංශයේ විශේෂ කණ්ඩායමක් ඉන්දියාවේ නවදිල්ලි නුවර වෙත පැමිණ තිබෙනවා.

මීගමුව මුහුදු තීරයේ දියනෑමට ගිය පාසල් සිසුන් දෙදෙනෙකු දියේ ගිලී ජිවිතක්ෂයට පත්ව තිබෙනවා. අදාළ සිසුන් දෙදෙනා තවත් මිතුරන් දෙදෙනෙකු සමග මීගමුව වැල්ල වීදිය මුහුදු තීරයේ දියනෑමට ගොස් ඇති බවයි පොලිසිය සදහන් කළේ. එහිදී මෙම සිසුන් සිව්දෙනා දියේ ගසාගෙන ගොස් ඇති අතර සිසුන් දෙදෙනෙකු දිවි බේරා ගෙන තිබෙනවා.

කොහුවල ගුවන් පාලමේ ඉදිකිරීම් කටයුතු හේතුවෙන් හොරණ – කොළඹ ප්‍රධාන මාර්ගයේ රථවාහන ගමනාගමනය අද සිට සීමා කෙරෙන බව පොලිසිය පවසනවා. පොලිස් මාධ්‍ය ප්‍රකාශක නියෝජ්‍ය පොලිස්පති, නීතිඥ නිහාල් තල්දුව මහතා පැවසුවේ අදාළ මාර්ගයේ ගමනාගමන කරටයුතු අද සිට අගෝස්තු 15 දක්වා සීමා කෙරෙන බවයි. මේ හේතුවෙන් හැකිතාක් විකල්ප මාර්ග භාවිත කරන ලෙස පොලිස් මාධ්‍ය ප්‍රකාශක නිහාල් තල්දුව මහතා රියදුරන්ගෙන් ඉල්ලා සිටිනවා.

ජාතික විභාග දෙකක ප්‍රතිඵල නිකුත් කර ඇති බව විභාග දෙපාර්තමේන්තුව පවසනවා. විභාග කොමසාරිස් ජනරාල් අමිත් ජයසුන්දර මහතා පැවසුවේ 2020 -2021 ගුරු විද්‍යාල අවසාන විභාගයේ සහ 2022-2023 වසරට අදාළ උපාධිධාරී නොවන නුපුහුණු ගුරුවරුන් සදහා වන පුහුණු පාඨමාලා විභාගයේ ප්‍රතිඵල නිකුත් කළ බවයි. විභාග දෙපාර්තමේන්තුවේ නිල වෙබ් අඩවියට පිවිසීමෙන් ප්‍රතිඵල ලබා ගත හැකි බවයි විභාග කොමසාරිස්වරයා සදහන් කළේ.

අත්‍යවශ්‍ය භාණ්ඩ කිහිපයක මිල අඩු කිරීමට ලංකා සතොස ආයතනය පියවර ගෙන තිබෙනවා. ඒ අනුව මුං ඇට කිලෝවක් රුපියල් 60කින් , කඩල කිලෝවක් රුපියල් 12කින් මිල අඩු කළ බවයි සතොස ආයතනය නිවේදනය කළේ. එමෙන්ම වියලි මිරිස් සහ දුඹුරු සීනි කිලෝවක් රුපියල් 05 කින් මිල අඩු කර තිබෙනවා. මහජනතාවට සහන සැපයීමේ අරමුණින් මෙම මිල අඩු කිරීම සිදුකළ බවයි ලංකා සතොස ආයතනය සඳහන් කළේ.

ප්‍රමිතියෙන් තොර ප්‍රතිදේහ එන්නත් ගෙන්වීමේ සිද්ධියට අදාළව හිටපු සෞඛ්‍ය අමාත්‍ය කෙහෙළිය රඹුක්වැල්ල මහතා යළි රක්ෂිත බන්ධනාගාර ගතකර තිබෙනවා. මාලිගාකන්ද මහේස්ත්‍රාත් අධිකරණයයි මෙම නියෝගය ලබා දුන්නේ. ඒ අනුව කෙහෙළිය රඹුක්වැල්ල මහතා ඇතුළු සැකකරුවන් 07 දෙනා ලබන 28 වනදා දක්වා යළි බන්ධනාගාර ගත කෙරුණා.

අනාගතයට ගැළපෙන දකුණු ආසියාවේ හොඳම අධ්‍යාපන ක්‍රමය රට තුළ නිර්මාණය කිරීමට කටයුතු කරන බව ජනාධිපති රනිල් වික්‍රමසිංහ මහතා පැවසීය. ජනාධිපතිවරයා මේ බව සඳහන් කළේ හලාවත කිරිමැටියාන බෞද්ධ බාලිකා ජාතික පාසලේ අභිනවයෙන් ඉදිකරන ලද තෙමහල් ගොඩනැඟිල්ලේ පළමු අදියර සිසු අයිතියට පත් කිරීමේ උත්සවයට අද (14) පස්වරුවේ එක්වෙමිනි. දුෂ්කර ආර්ථික තත්ත්වයක් හමුවේ වුවද අධ්‍යාපනය වෙනුවෙන් ලබාදිය යුතු ප්‍රතිපාදන වෙන් කිරීමට රජය කටයුතු කළ බව මෙහිදී පැවසූ ජනාධිපතිවරයා රටේ ශක්තිය අධ්‍යාපනය වන බවද අවධාරණය කළේය. අද පස්වරුවේ කිරිමැටියාන බෞද්ධ බාලිකා ජාතික පාසල වෙත පැමිණි ජනාධිපති රනිල් වික්‍රමසිංහ මහතාව සිසු දරුවන් විසින් මහත් හරසරින් පිළිගනු ලැබීය. විදුහල් භූමියේ පිහිටි බුදු මැදුර වෙත ගොස් මල්…

රුසියාවේ හමුදා කටයුතු සඳහා යොදාගෙන සිටින ශ්‍රී ලාංකික හිටපු හමුදා සාමාජිකයන් නැවත මෙරටට ගෙන්වා ගැනීම සඳහා කටයුතු කිරීමට විදේශ කටයුතු රාජ්‍ය අමාත්‍ය තාරක බාලසූරිය ප්‍රමුඛ දූත පිරිසක් රුසියාවේ සංචාරය කිරීමට නියමිත බවත් ඊට අදාළ සාකච්ඡා ජූනි මස 26 සහ 27 යන දිනවල පැවැත්වෙන බවත් විදේශ කටයුතු අමාත්‍ය ජනාධිපති නීතිඥ අලි සබ්‍රි මහතා පැවසීය. බ්‍රික්ස් සංවිධානයට ශ්‍රී ලංකාව සම්බන්ධ විය යුතු ද යන්න පිළිබඳව තීරණයක් ගැනීම සඳහා ඉදිරිපත් කළ අමාත්‍ය මණ්ඩල පත්‍රිකාව සම්බන්ධයෙන් අධ්‍යයනය කිරීමට නිලධාරීන් පිරිසක් පත්කර තිබෙන අතර ඔවුන්ගේ වාර්තාව මෙම මස ලැබීමට නියමිත බව ද අමාත්‍යවරයා සඳහන් කළේය. විදේශ කටයුතු අමාත්‍ය ජනාධිපති නීතිඥ අලි සබ්‍රි මහතා මේ බව…

ශ්‍රී ලාංකීය තරුණ ප්‍රජාව සඳහා වන පොදු ඉගෙනුම් අධ්‍යාපන වේදිකාව (Public Learn Education Platform) www.publiclearn.lk නිල වශයෙන් එළිදැක්වීම ජනාධිපති රනිල් වික්‍රමසිංහ මහතාගේ ප්‍රධානත්වයෙන් ඊයේ (13) පස්වරුවේ ජනාධිපති කාර්යාලයේ දී සිදු විය. “Public Learn” යනු ලොව ප්‍රමුඛ පෙළේ විශ්වවිද්‍යාල වලින් නොමිලේ පාඨමාලා හැදෑරීම සඳහා පරිශීලකයින් යොමු කරවනු ලබන වේදිකාවකි. මෙම වේදිකාව රීජන්ට් ග්ලෝබල් ආයතනය (Regent Global) විසින් ක්‍රියාත්මක කරනු ලබන අතර එය ශ්‍රී ලංකාව සඳහා හඳුන්වා දීමට එක්සත් රාජධානියේ ශ්‍රී ලාංකික ඩයස්පෝරාව විසින් අරමුදල් සපයා තිබේ. ශ්‍රී ලාංකීය තරුණ ප්‍රජාව සඳහා වන පොදු ඉගෙනුම් අධ්‍යාපන වේදිකාව (Public Learn Education Platform) www.publiclearn.lk නිල වශයෙන් දියත් කිරීම මෙහිදී ජනාධිපතිවරයා අතින් සිදු කෙරිණි. අනතුරුව පැවති උත්සව සභාව ඇමතූ…