Author: VNews

රටේ ජනතාව බලපොරොත්තු වූ විවාදයකටවත් මුහුණ දීමට නොහැකි සජිත් ප්‍රේමදාස වැනි පුද්ගලයෙකුට රටක් පාලනය කල නොහැකි බව ජාතික ජනබලවේගයේ හිටපු පාර්ලිමේන්තු මන්ත්‍රී නලින්ද ජයතිස්ස මහතා පවසනවා . ඒ මහතා මේ බව ප්‍රකාශ කළේ කොළොඹ පැවති මාධ්‍ය හමුවකට එක්වෙමින් .

ශ්‍රී ලංකා ක්‍රිකට් ආයතනය සඳහා නව ව්‍යවස්ථාවක් කෙටුම්පත් කිරීමට පත්කළ විනිසුරු චිත්‍රසිරි කමිටුව විසින් සකස්කළ පනත් කෙටුම්පත ජනාධිපති කාර්යාලයේ දී ජනාධිපති රනිල් වික්‍රමසිංහ මහතා වෙත බාර දෙනු ලැබීය. කමිටුවේ සභාපති විශ්‍රාමික ශ්‍රේෂ්ඨාධිකරණ විනිසුරු කේ.ටී. චිත්‍රසිරි මහතා විසින් පනත් කෙටුම්පත ජනාධිපතිවරයා වෙත භාර දුන් අතර කමිටුවේ සෙසු සාමාජිකයන් ද ඊට එක්ව සිටියහ. ශ්‍රී ලංකාවේ ක්‍රිකට් ක්‍රීඩාව මුහුණ දෙන ගැටළු පිළිබඳ සොයා බලා ඒ පිළිබද නිර්දේශ ඉදිරිපත් කිරීම පිණිස අමාත්‍ය මණ්ඩලය විසින් 2023.11.06 දින විදේශ අමාත්‍ය ජනාධිපති නීතිඥ අලි සබ්‍රි මහතාගේ ප්‍රධානත්වයෙන් හා විදුලිබල හා බලශක්ති අමාත්‍ය කංචන විජේසේකර, කම්කරු හා විදේශ රැකියා අමාත්‍ය මනූෂ නානායක්කාර, මහජන ආරක්ෂක අමාත්‍ය ටිරාන් අලස් යන…

2024 විස්සයි විස්ස ලෝක කුසලාන තරගාවලියේ නැමීඹියාවට එරෙහි තරගය ලකුණු 41කින් ජය ගන්නට එංගලන්තය සමත් වුණා. වර්ෂාවෙන් බාධා එල්ල වීම හේතුවෙන් තරගය එක් ඉනිමට පන්දුවාර 10කට සීමා කිරීමට විනිසුරුවරුන් කටයුතු කළා. ඒ අනුව පළමුවෙන් පන්දුවට පහරදුන් එංගලන්තය නියමිත පන්දුවාර 10 තුළ කඩුලු 05ක් දැවී ලකුණු 122ක් ලබා ගත්තා. පිළිතුරු ඉනිම ක්‍රිඩා කළ නැමීඹියාවට නියමිත පන්දුවාර 10 තුළ කඩුලු 03ක් දැවී ලබා ගත හැකි වුණේ ලකුණු 84ක් පමණයි. මේ අතර ඔස්ටේ්‍රලියාව සහ ස්කොට්ලන්තය අතර පැවැත්වෙන තරගය මේ වන විට ආරම්භ වී තිබෙනවා. තරගයේ කාසියේ වාසිය දිනා ගත් ඔස්ටේ්‍රලියානු කණ්ඩායම පළමුවෙන් පන්දු යැවීමට තීරණය කළා.

ගාසා තීරයට එරෙහි ඊශ්‍රායල යුද්ධය හේතුවෙන් ගාසාහි දකුණු ප්‍රදේශයේ පුද්ගලයන් මිලියනයක් සිරවී සිටිනවා. එක්සත් ජාතීන්ගේ ලෝක ආහාර වැඩසටහනේ නියෝජ්‍ය විධායක අධ්‍යක්ෂ කාල් ස්කාඌ පවසන්නේ දකුණු ගාසා තීරයේ මිලියනයක් අවතැන් වූවන් පිරිසිදු ජලය හෝ සනීපාරක්ෂාව නොමැතිව සිරවී සිටින බවයි. මේ අතර ඊයේ ගාසා තීරයේදී පලස්තීනුවන් 25 දෙනෙකු ඝාතනය කළ බව විදෙස් වාර්තා සඳහන් කරනවා. ගාසා නගරයේ ටුෆා අසල්වැසි ප්‍රදේශයේ ගුවන් ප්‍රහාර වලින් ළදරුවෙකු මිය ගිය අතර 30 දෙනෙකු තුවාල ලබා තිබෙනවා.

2020/2021 ගුරු විද්‍යාල අවසාන විභාගයේ සහ උපාධිධාරින් නොවන නුපුහුණු ගුරුවරුන් සඳහා පුහුණු පාඨමාලා විභාගයේ ප්‍රතිඵල නිකුත් කර තිබෙනවා. මෙම විභාග සඳහා අයදුම්කරුවන් 1335ක් පෙනී සිටී බවයි, විභාග දෙපාර්තමේන්තුව සඳහන් කළේ.

ඉන්දීය විදේශ අමාත්‍ය ආචාර්ය එස්. ජෙයිශංකර් මහතා නිල සංචාරයක් සඳහා මෙරටට පැමිණිමට නියමිතව තිබෙනවා. ඔහු එළඹෙන ජුනි 20 වනදා ශ්‍රී ලංකාවට පැමිණීමට නියමිත බවයි වාර්තා වන්නේ.

ශ්‍රී ලංකාවට නිල වශයෙන් ණය ලබා දී තිබෙන රටවල කමිටුව ලබන සතියේ පැවැත්වෙන බව ජනාධිපති රනිල් වික්‍රමසිංහ මහතා පවසනවා . ජනාධිපතිවරයා පවසුවේ එම රැස්වීමෙන් පසු ශ්‍රී ලංකාවට බංකොලොත් බවින් ඉවත්වීමට හැකියාව ලැබෙන බවයි . හලාවත කිරිමැටියාන බෞද්ධ බාලිකා ජාතික පාසලේ පැවති උත්සවයකට එක්වෙමින් ජනාධිපතිවරයා මේ බව සඳහන් කළා . එමෙන්ම ජනාධිපතිවරයා සඳහන් කළේ අනාගතයට ගැලපෙන දකුණු ආසියාවේ හොඳම අධ්‍යාපන ක්‍රමය රට තුළ නිර්මාණය කිරීමට කටයුතු කරන බවයි .

දකුණු අප්‍රිකානු ජාතික කොංග්‍රසය සහ විරුද්ධ පක්ෂ අතර ඇති වූ සුවිශේෂී සභාග ගිවිසුමකින් අනතුරුව එරට පාර්ලිමේන්තුව විසින් සිරිල් රාමපෝසා ජනාධිපතිවරයා ලෙස යළි තෝරාපත් කරගෙන තිබෙනවා . විදෙස් වාර්තා සඳහන් කළේ ජාතික සමගි නව රජය රාමපෝසාගේ පාලක අප්‍රිකානු ජාතික කොංග්‍රසය මධ්‍ය-දක්ෂිණාංශික ප්‍රජාතන්ත්‍රවාදී සන්ධානය සහ කුඩා පක්ෂ ඒකාබද්ධව මෙම සන්ධානය ගොඩනගා ඇති බවයි . නව පාලනයේ බලය දරන්නේ කවුරුන්ද යන්න තහවුරු කිරීම සඳහා විමසීමට ජාතික සභාව ඡන්ද විමසීමක් පවත්වා ඇති අතර එමගින් පාර්ලිමේන්තුව විසින් සිරිල් රාමපෝසා ජනාධිපතිවරයා ලෙස යළි තෝරාපත් කරගෙන තිබෙනවා .

ජපානය, විදෙස් ශ්‍රමිකයින් සඳහා ස්ථිර පදිංචිය ලබාදීමට තීරණය කර තිබෙනවා. ඒ අනුව විදෙස් ශ්‍රමිකයන්ගේ කුසලතා වර්ධනය ඉලක්ක කරගත්, තාක්ෂණික සීමාවාසික පුහුණු සංශෝධන පනතක් පාර්ලිමේන්තුවේ දී වැඩි ඡන්දයෙන් ඊයේ සම්මත කෙරුණා. මෙම සංශෝධිත නව පනත 2027 වසරේ සිට ජපානය තුළ බලාත්මක වනු ඇති. එමඟින් සංක්‍රමණ පාලනය සහ සරණාගතයින් හඳුනාගැනීමේ, පෙර පැවති මූලික කරුණු ද, සංශෝධනය කර ඇති බවයි, විදෙස් මාධ්‍ය වාර්තා සඳහන් කළේ. මෙහි ප්‍රධාන අරමුණ වන්නේ වසර තුනක් ඇතුළත නිශ්චිත පුහුණු සේවකයකු ලෙස ජපානය තුළ රැකියා කිරීමට, විදේශිකයන් පුහුණු කිරීමයි. ඊට හෙද සත්කාර, ඉදිකිරීම් සහ කෘෂිකර්මාන්තය වැනි ශ්‍රම ඌනතා පවතින ක්ෂේත්‍ර රැසක් ද ඇතුළත්. එමෙන්ම නව පනත මගින්, ජපානයේ ස්ථිර…

ඩයලොග් අන්තර් පාසල් රග්බි තරගාවලියේ පැවති පළමු තරගයේ ජය හිමිකර ගන්නට මහනුවර විද්‍යාර්ත කණ්ඩායම සමත් වුණා. ඒ ශාන්ත ජෝෂප් විද්‍යාලය පරාජයට පත්කරමින්. කොළඹ හැව්ලොක් ක්‍රිඩාංගනයේ පැවති තරගයේ අවසන් ලකුණු සටහන දැක්වුණේ ලකුණු 27 ට 22ක් ලෙසයි. කණ්ඩායම් දෙකම උත්සාහන දිනුම් තුන බැගින් වාර්තා කළ අතර මහනුවර විද්‍යාර්ත විද්‍යාලය දඩුවම් පහර 2ක් සාර්ථක කර ගත්තා. මේ අතර කොළඹ ඩී.එස් සේනානායක විද්‍යාලය සහ මහනුවර ධර්මරාජ විද්‍යාලය අතර තරග අද පැවැත්වෙනවා. කොළඹ සී.ආර් ඇන්ඩ් එෆ්.සී ක්‍රිඩාංගනයේ පැවැත්වෙන තරගය පස්වරු 03.45ට ආරම්භ වීමට නියමිතයි.