Author: Kesara Athipola

යෝජිත ද්විපාර්ශ්වික ආර්ථික සහ තාක්ෂණ සහයෝගිතා ගිවිසුම හෙවත් එට්කා ගිවිසුම සම්බන්ධයෙන් ජනාධිපතිවරයාගේ ඉන්දීය සංචාරයේදී සාකච්ඡා කළද අවසන් එකඟතාවකට එළැඹ නොමැති බව ශ්‍රී ලංකාවේ ඉන්දීය මහකොමසාරිස් සන්තෝෂ් ජා මහතා පවසනවා. ජනාධිපති අනුර කුමාර දිසානායක මහතා සහ ඉන්දීය අග්‍රාමාත්‍ය නරේන්ද්‍ර මෝදි මහතාගේ ඒකාබද්ධ ප්‍රකාශයෙන් ඔබ්බට කිසිදු තීරණයක් ගෙන නොමැති බවත්, අදාළ ගිවිසුම සම්බන්ධයෙන් අඛණ්ඩ සාකච්ඡා සිදු කෙරෙන බවත් ඉන්දීය මහකොමසාරිස්වරයා මාධ්‍ය වෙත පවසා තිබෙනවා. එය නිශ්චිත කාල රාමුවක් තුළ අවසන් වේද? නැතහොත් ඊට වැඩි කාලයක් ගතවේද? යන්න සම්බන්ධයෙන් තීරණය වන්නේ එය සිදු කිරීමට දෙපාර්ශවයේම තිබෙන උනන්දුව මත බවයි ඉන්දීය මහකොමසාරිස්වරයා පෙන්වා දෙන්නේ. එමෙන්ම මෙම කාරණය සම්බන්ධයෙන් කාල රාමුවක් පැන වීම යථාර්ථවාදී නොවන…

රාජ්‍ය ව්‍යාපාර පළාත් සභා හා පළාත් පාලන ආයතන ඇතුළු සියලු රාජ්‍ය ආයතනවල ඇති ඉහළ එන්ජින් ධාරිතාව සහිත අති සුඛෝපභෝගී වාහන වෙන්දේසි කරන ලෙස මුදල් අමාත්‍යාංශයේ ලේකම් මහින්ද සිරිවර්ධන මහතා සියලු රාජ්‍ය අංශ ප්‍රධානීන්ට දැනුම් දී තිබෙනවා. අදාළ දැනුම් දීම සිදු කර ඇත්තේ චක්‍රලේඛයක් මගින්. එම ගනුදෙනු වලට අදාළ ආදායම් විස්තර වාර්තා ලබන මාර්තු මස 01 වැනිදාට පෙර ඉදිරිපත් කල යුතු බව එම චක්‍රලේඛනයේ සදහන් වනවා. මෙලෙස වෙන්දේසි කෙරෙන වාහන කිසිදු රාජ්‍ය ආයතනයක් මිලදී ගැනීම නොකළ යුතු බවද එහි දැක්වෙනවා.

උතුරු මැද පළාතේ සියලුම රජයේ පාසල්වල එකොළොස් වන ශ්‍රේණියේ විභාග කටයුතු යළි දැනුම් දෙනතුරු අවලංගු කර තිබෙනවා. ඒ, එම වාර විභාගයට අදාළ සිංහල සාහිත්‍ය ප්‍රශ්න පත්‍රය සමාජ මාධ්‍ය ඔස්සේ පිට වී ඇති බවට තහවුරු වීමත් සමගයි. ප්‍රශ්න පත්‍රය පිටවීමත් සමග උතුරු මැද පළාතේ පාසල්වල ඊයේ පැවැත්වීමට නියමිතව තිබූ අවසන් වාර විභාගය කල්දැමීමටද කටයුතු කළ බව උතුරු මැද පළාත් අධ්‍යාපන සහ ප්‍රධාන අමාත්‍යාංශ ලේකම් සිරිමෙවන් ධර්මසේන මහතා පවසා තිබුණා. මීට පෙර පැවැත්වුණු 5 ශ්‍රේණිය ශිෂ්‍යත්ව විභාගයේ ප්‍රශ්න පත්‍ර පිටවීම සිදුවූයේද උතුරුමැද පළාතෙන් වීම විශේෂත්වයක්. ඒ අනුව ඊයේ පෙරවරුව වන විට කලාප අටක කොට්ඨාස තිහකට අයත් පාසල් හයසියයකට අධික ප්‍රමාණයක අදාළ ප්‍රශ්න…

විදේශගත ශ්‍රී ලාංකිකයින්ට අදාළ රටවල තානාපති කාර්යාල හරහා ප්‍රමාදයකින් තොරව උප්පැන්න සහතික, විවාහ සහතික සහ මරණ සහතික කඩිනමින් ලබා ගැනීමට හැකි වන පරිදි ඩිජිටල් පහසුකම් රජය විසින් ආරම්භ කර තිබෙනවා. ඒ ජනාධිපති අනුර කුමාර දිසානායක මහතාගේ ඩිජිටල්කරණ වැඩටසටහන යටතේ ක්‍රියාත්මක කළ ව්‍යාපෘතියකට අනුවයි. මේ අනුව තානාපති කාර්යාල 07 ක් වෙනුවෙන් මෙම නියමු ව්‍යාපෘතිය ක්‍රියාත්මක වන අතර ජපානය, කටාර්, කුවේට් තානාපති කාර්යාල ඇතුළු මිලානෝ, ටොරොන්ටෝ, මෙල්බර්න් සහ ඩුබායි කොන්සල් කාර්යාල මගින් ඒ රටවල සිටින ශ්‍රී ලාංකිකයින්ට මින් ඉදිරියට ප්‍රමාදයකින් තොරව උප්පැන්න සහතික, විවාහ සහතික සහ මරණ සහතික ලබා ගැනීමේ අවස්ථාව උදා වනු ඇති. විදේශ කටයුතු, විදේශ රැකියා සහ සංචාරක අමාත්‍ය විජිත…

පසුගිය කාලයේදී පාර්ලිමේන්තු මන්ත්‍රීවරුන් විසින් වැරදි තොරතුරු ඉදිරිපත් කරමින් ජනාධිපති අරමුදලින් මුදල් ලබා ගැනීමේ සිද්ධීන් සම්බන්ධයෙන් විමර්ශනයක් ආරම්භ කර තිබෙන බව අපරාධ පරීක්ෂණ දෙපාර්තමේන්තුව කොළඹ මහෙස්ත්‍රාත් අධිකරණයට දැනුම් දී තිබෙනවා. අපරාධ පරීක්ෂණ දෙපාර්තමේන්තුවේ වාණිජ අපරාධ විමර්ශන අංශය පැවසුවේ ලැබුණු තොරතුරකට අනුව මෙම විමර්ශන ආරම්භ කර ඇති බවයි. ඉදිරිපත් වූ කරුණු සලකා බැලූ කොළඹ – කොටුව මහේස්ත්‍රාත් නිළුපුලී ලංකාතිලක මහත්මිය අපරාධ පරීක්ෂණ දෙපාර්තමේන්තුවට නියෝග කරමින් පැවසුවේ මෙම කරුණු සම්බන්ධයෙන් විමර්ශනයක් පවත්වා එහි ප්‍රගතික ඉදිරියේදී අධිකරණයට වාර්තා කරන ලෙසයි. එමෙන්ම විමර්ශනවලට අවශ්‍ය ඉදිරි නියෝග තිබේ නම් එම නියෝග අධිකරණය වෙතින් ලබා ගැනීමට කටයුතු කරන ලෙසත්, මහෙස්ත්‍රාත්වරිය විසින් අපරාධ පරීක්ෂණ දෙපාර්තමේන්තුවේ වාණිජ අපරාධ…

2024 වසරේ ජනවාරි මස 01 දින සිට දෙසැම්බර් මස 31 දින දක්වා ශ්‍රී ලංකාවට විදේශීය සංචාරකයන් 20, 53, 465 (විසි ලක්ෂ පනස් තුන් දහස් හාර සිය හැට පහක්) දෙනෙකු පැමිණ ඇති බව ශ්‍රී ලංකා සංචාරක ප්‍රවර්ධන කාර්යාංශයේ ප්‍රකාශකවරයෙකු පැවසීය . එසේ මෙරටට පැමිණි සංචාරකයන් අතරින් වැඩිම පිරිසක් එනම් 416,974 ක් ඉන්දියාවේ සිට පැමිණ තිබුණි. ඊට අමතරව පිළිවෙළින් රුසියාවෙන් 201,920 ක් ද, එක්සත් රාජධානියෙන් 178,339 ක් ද, ජර්මනියෙන් 136,084 ක් සහ චීනයෙන් 131,681 ක් වශයෙන් ඉහත රටවලින් ද ශ්‍රී ලංකාවට සංචාරකයන් පැමිණ තිබුණි.

මෙරට පොල් නිෂ්පාදනය පසුගිය වසරේ මුල්මාස දහය තුල දි සියයට 7.5කින් පහත වැටි ඇති තිබෙනවා. ශ්‍රි ලංකා මහ බැංකුව විසින් නිකුත්කර ඇති වාර්තාවක දැක්වෙන්නේ සංඛ්‍යාත්මකව පොල්ගෙඩි මිලියන 197 යි දශම 4කින් පොල් නිෂ්පාදනය පසුගිය වසරේ පහත වැටි ඇති බවයි . 2023 වසරේ මුල් මාස දහය තුල මෙරට පොල් නිෂ්පාදනය පොල්ගොඩි මිලියන 2,649 ක් ලෙස දැක්වෙනවා. එම වාර්තාවට අනුව 2024 වර්ෂයේ අදාළ කාලසිමාව තුලදි මෙරට පොල් නිෂ්පාදය පොල්ගෙඩි මිලියන 2,451ක් වනවා.

ඉන්දියාව සහ කන්කසන්තුරය අතර මගී නැව් සේවාව අද සිට යළි ක්‍රියාත්මක කරන බව සිව ගංගී නැව් සමාගම නිවේදනය කළා. පසුගිය වසරේ ආරම්භ වූ මෙම නැව් සේවාව ඔක්තෝම්බර්, නොවැම්බර් සහ දෙසැම්බර් මාසවලදී උතුරු මුහුදු සීමාවට බලපෑ අයහපත් කාලගුණය හේතුවෙන් තාවකාලිකව නවතා දැමීමටයි එම නැව් සමාගම කටයුතු කලේ . අද දිනයේදී නැවත ඇරඹෙන මෙම මගී නැව් සේවාව සඳහා මගීන්ට ආසන වෙන්කරවා ගැනීම සඳහා සතියකට පෙර අවස්ථාව ලබා දී තිබුණා. එමෙන්ම ඉන්දියාවේ නාගපට්නම් සිට කන්කසන්තුරය දක්වා ගමන් කිරීමේ ගාස්තුව වශයෙන් රුපියල් 35,000ක මුදලක් අය කරනු ලබනවා. ඉරිදා දින හැර සතියේ සෙසු සියලුම දිනයන්හි මගී ගමනාගමනය සිදුකිරීමටද බලාපොරොත්තු වන බවයි එම නැව් සමාගම වැඩිදුරටත්…

ශ්‍රී ලංකා පොලීසිය විසින් ඊ ට්‍රැෆික් නම් ජංගම දුරකථන යෙදුමක් හඳුන්වා දී තිබෙනවා. ක්ලීන් ශ්‍රී ලංකා වැඩ සටහනට සමගාමීව මෙම ජංගම දුරකථන යෙදුම හඳුන්වා දුන් බවයි පොලිසිය සදහන් කලේ. අදාළ ජංගම දුරකථන යෙදවුම පොලිස් මූලස්ථානයේදී වැඩබලන පොලිස්පති නීතීඥ ප්‍රියන්ත වීරසූරිය මහතා විසින් හඳුන්වා දෙනු ලැබුවා. මෙම ජංගම දුරකථන යෙදවුම හරහා මාර්ග ආශ්‍රිතව සිදුවන රථ වාහන වැරදි හා මාර්ග නීති උල්ලංඝණය කිරීම් සම්බන්ධව මහජනතාවට ක්ෂණිකව පැමිණිලි කිරීමේ හැකියාව පවතිනවා. එලෙස ලබා දෙන තොරතුරු අනුව රථවාහන වැරදි සිදු කරන රියදුරන් හා අනෙකුත් සිද්ධීන් සම්බන්ධයෙන් නෛතික ක්‍රියාමාර්ග ගැනීම සඳහා අදාළ පොලිස් ස්ථාන හා පොලිස් අංශ වෙත යොමු කිරීමට පොලිස් මූලස්ථානය කටයුතු කරනු ඇති.…

මාතර බන්ධනාගාරයේ ගොඩනැගිලල්ලක් මතට ගසක අත්තක් කඩාවැටීමෙන් තුවාල සිදු වූ 11 දෙනෙකු තවමත් මාතර රොහලේ ප්‍රතිකාර ලබමින් සිටින බව පොලීසිය පවසනවා. මෙම අනතුරෙන් රැඳවියන් 12 දෙනෙකු තුවාල ලබා මාතර රෝහලට ඇතුලත් කිරීමෙන් අනතුරුව එක් රැඳවියෙකු මියගියා. ඊයේ රාත්‍රි 10.14 ට පමණ සිදු වූ අදාළ අනතුරින් මියගොස් ඇත්තේ අවුරුදු 34 ක් වූ මිදිගම ප්‍රදේශයේ පදිංචිකරුවෙක්. පොලීසිය පැවසුවේ රැඳවියන් රඳවා තිබූ ඨ හා ත්‍ යන වාට්ටු මතට ඒ ආසන්නයේ තිබූ බෝ ගසක අත්තක් කඩා වැටීමෙන් අදාළ අනතුර සිදුවූ බවයි.