රථ වාහන සඳහා ඉන්ධන ලබාදීමේදී QR ක්‍රමය ඔස්සේ ඉන්ධන කෝටාව ලබාදීමේදි වාහන අංක තහඩුවේ අවස්න අංකය මත ඉන්ධන ලබාදීම අද(19) දිනයේ සිට සිදු කරන බව ලංකා ඛනිජ තෙල් නීතිගත සංස්ථාව පවසනවා.
ඒ අනුව වාහනයේ අංක තහඩුවේ අවසන් අංකය බින්දුව හෝ ඉරට්ටේ සංඛ්‍යාවක් නම් ඉරට්ටේ දිනයක ඉන්ධන ලබාගත හැකි බවත් අංක තහඩුවේ අවසන් අංකය ඔත්තේ සංඛ්‍යාවක් නම් ඔත්තේ දිනයක ඉන්ධන ලබාගත හැකි බවද සංස්ථාව වැඩිදුරටත් පවසනවා.
ඒ අනුව ඔත්තේ දිනයක් වන අද(19) දිනයේදී අවසාන අංකය ඔත්තේ සංඛ්‍යාවන් වන 1, 3, 5, 7 සහ 9 යනඉලක්කම් ඇති වාහන සඳහා ඉන්ධන ලබාගැනීමට හැකියාව ලැබෙනවා.
මේ අතර ඛනිජ තෙල් නීතිගත සංස්ථාවේ සභාපති ඩී.ජේ. රාජකරුණා මහතා පවසන්නේ කිව්.ආර්. ක්‍රමය යටතේ මෙතෙක් ඉන්ධන කෝටාව ලබාගෙන නොමැති පුද්ගලයින් හටද අද(19) දිනයේදී ඔත්තේ, ඉරට්ටේ ක්‍රමයෙන් බැහැරව ඉන්ධන ලබාගැනීම සඳහා අවස්ථාව ලබාදී ඇති බවයි.
මේ අතර වාහනයේ අනන්‍යතාවය නිවැරදිව තහවුරු කරගැනීමට අවශ්‍ය විටකදී වාහන ආදායම් බලපත්‍රය, ලියාපදිංචි, රක්ෂණ සහ දුම් පරීක්ෂණ සහතික යන ලේඛනවලින් එකක් ඉදිරිපත් කරන ලෙසට මෝටර් රථ ප්‍රවාහන දෙපාර්තමේන්තුව දන්වා සිටිනවා.
