අමෙරිකාව සහ ඊශ්රායල් ඒකාබද්ධ ප්රහාරවලට තුන් වන දිනයටත් අද(02) දිනයේ ඉරානය ඊශ්රායලයට සහ ඊශ්රායලය ආසන්න ගල්ෆ් කලාපයේ රටවලට ප්රතිප්රහාර එල්ල කර තිබෙනවා.
විදෙස් පුවත් සේවා වාර්තා කරන්නේ එම ප්රතිප්රහාර හමුවේ ඩුබායි, දෝහා සහ මනමා යන ගල්ෆ් නගරවල මෙන්ම ජෙරුසලෙමහිදී දැවැන්ත පිපිරීම් හඬවල් ශ්රවණය වූ බවයි.
කටාර් සහ බහරේන් අගනගරවල මෙන්ම එක්සත් අරාබි එමිර් රාජ්යයේ වඩාත්ම ජනාකීර්ණ නගරයන්හිදී දැවැන්ත පිපිරීම් කිහිපයක් ඇසුණු බවයි ප්රංශ පුවත් සේවය වාර්තා කරන්නේ.
ඉරානයෙන් එල්ල වූ ප්රහාරවලින් ජෙරුසලම පුරාම පිපිරුම් හඬවල් ඇසුණු බවද විදෙස් පුවත් සේවා වාර්තා කරනවා.
ඊශ්රායල ගුවන් හමුදාව සිය එක්ස් ගිණුමේ සටහනක් තබමින් පවසන්නේ ඉරානයේ සිට ඊශ්රායලය දෙසට මිසයිල දියත් කර ඇති බවත් ඒවා වළක්වා ගැනීම සඳහා ආරක්සක පද්ධති ක්රියාත්මක වන බවත්ය.
එම සටහනෙහි වැඩිදුරටත් දැක්වෙන්නේ අදාළ ප්රදේශවල ජංගම දුරකථන හරහා මහජනතාවට ආරක්ෂිත ස්ථානයන් වෙත ගොස් නැවත දැනුම්දෙනතුරු රැඳී සිටින ලෙසයි.
මේ අතර ලෙබනනයේ දකුණු සහ බේරූට්හි දකුණු ඩහියේ දිස්ත්රික්කයට එල්ල වූ ඊශ්රායල් ප්රහාරවලින් පුද්ගලයන් 31 දෙනෙක් මියගොස් තවත් පුද්ගලයින් 149 දෙනෙක් තුවාල ලබා ඇති බව ලෙබනනයේ සෞඛ්ය අමාත්යංශය පවසනවා.
එසේම එම දිස්ත්රික්ක දෙකම හිස්බුල්ලා බලකොටු බවටද විදෙස් පුවත් සේවා වාර්තා කරනවා.
ඉරාන ප්රොක්සි කණ්ඩායම උතුරු ඊශ්රායලට ඊයේ රාත්රී එල්ල කළ රොකට් ප්රහාරයන්ට ප්රතිචාර වශයෙන් හිස්බුල්ලා ඉලක්ක වෙත ප්රහාර එල්ල කළ බව IDF තහවුරු කර සිටිනවා.
එසේම එය 2024 නොවැම්බර් මාසයේ ඊශ්රායල-හිස්බුල්ලා සටන් විරාම ගිවිසුමෙන් පසු ලෙබනනයෙන් එල්ල වූ පළමු ප්රහාරය වනවා.
