පැයට කිලෝමීටර 200 ක පමණ ප්‍රබල වේගයක් සහිතව ශාන්තිකර සාගරයේ
වර්ධනය වූ ‘බාවි‘ සුළි කුණාටුව තායිවානය දෙසට ගමන් කරමින් පවතින බව
විදෙස් මාධ්‍ය වාර්තා කරනවා.
2024 වසරෙන් පසු ආසියා – පැසිෆික් කලාපයට බලපාන ප්‍රබලම සුළි කුණාටුව
මෙය විය හැකි බැවින් ඊට මුහුණ දීමට සූදානම් වන ලෙස බලධාරීන් ජනතාවට
දන්වා තිබෙනවා.
‘බාවි‘ යනු 1987 වසරෙන් පසු තායිවානයට බලපාන විශාලතම කුණාටුව මෙය
බවයි තායිවානයේ කාලගුණ අංශ සඳහන් කර ඇත්තේ.
තායිවාන ජනාධිපතිවරයා පණිවුඩයක් නිකුත් කරමින් ජනතාවට දැනුම් දී ඇත්තේ
දින තුනකට අවශ්‍ය ආහාර, විදුලි පන්දම් ඇතුළු හදිසි ආපදා බෑගයක් සූදානම්
කර තබා ගන්නා ලෙසයි.
චීන ජාතික කාලගුණ විද්‍යා මධ්‍යස්ථානය පවසා ඇත්තේ කිලෝමීටර 1,000ක්
පමණ තරම් විශාල වට ප්‍රමාණයකින් යුත් මෙම කුණාටුව, එළඹෙන සෙනසුරාදා
සවස චීනයේ නැගෙනහිර ෆුජියෑන් පළාතට ඇතුළු වීමට නියමිත බවයි.
ජපාන කාලගුණ විද්‍යා ඒජන්සිය විසින් ඔකිනාවා දූපත් වැසියන්ට මේ පිළිබඳව
දැඩි අවධානයෙන් පසුවන ලෙස දන්වා තිබෙනවා.
විශේෂයෙන්ම මෙම වසරේ පවතින ‘එල් නිනෝ‘ තත්ත්වය හේතුවෙන් සාගර
උෂ්ණත්වය ඉහළ යාම මෙවැනි දරුණු සුළි කුණාටු නිතර ඇති වීමට හේතු වී
තිබෙනවා.
