වෙනිසියුලාවට ඉකුත් ජුනි 24 වන දා බලපෑ දරුණු භූමිකම්පාවෙන් පසු , කඩාවැටුණු ගොඩනැගිල්ලක සුන්බුන් අතර සිර වී සිටි පුද්ගලයෙකු නිරුපද්රිතව බේරා ගැනීමට සහන කණ්ඩායම සමත්ව තිබෙනවා.
මෙම පුද්ගලයා දින අටක් පුරා මෙම සුන්බුන් අතර සිරවී සිට ඇති බවයි විදෙස් මාධ්ය පවසන්නේ. ටොන් ගණනක් බරැති සුන්බුන් යට මෙම පුද්ගලයා ජීවතුන් අතර සිටින බව සහන කණ්ඩායම් මුලින්ම හඳුනාගෙන ඇති අතර, ඔහුව ආරක්ෂිතව පිටතට ගැනීමට පමණක් පැය 100 කට වඩා වැඩි කාලයක් ගත වී තිබෙනවා.
දෙස් විදෙස් සහන කණ්ඩායම් දිවා රෑ නොබලා සිදුකළ මෙම සෝදිසි මෙහෙයුම සඳහා ලෝකයේ සෙසු රටවල් රැසක ද සහයෝගය හිමි වුණා. මෙම භූමිකම්පා හේතුවෙන් මේ වන විට පුද්ගලයින් 2,300කට ආසන්න සංඛ්යාවක් මිය ගොස් ඇති අතර දස දහස් ගණනක් අතුරුදහන්ව තිබෙනවා. අතුරුදන්වූවන් සොයා සහන සේවා මේ වන විටත් අඛණ්ඩව ක්රියාත්මක වනවා.
