පාකිස්තානයට ප්රහාර එල්ල කිරීම සඳහා ඉන්දීය අග්රාමාත්ය නරේන්ද්ර මෝදි මහතා විසින් ඉන්දීය ආරක්ෂක හමුදාවන්ට විශේෂ අවසරයක් ලබාදී තිබෙනවා.
ඒ පසුගිය දා කාශ්මීරයේ දී එල්ල වූ ප්රහාරයට ප්රතිචාර දක්වමින්.
ඒ අනුව ප්රහාර එල්ල කළ යුතු වේලාව සහ ඉලක්ක තීරණය කිරීමට ඉන්දීය අග්රාමාත්යවරයා එරට ආරක්ෂක හමුදාවන්ට පූර්ණ මෙහෙයුම් නිදහස ලබාදී ඇති බව ඉන්දීය රජයේ අභ්යන්තර වාර්තා උපුටා දක්වමින් ඉන්දීය මාධ්ය වාර්තා කර තිබෙනවා.
ඊයේ නවදිල්ලි හිදී රැස්වූ විශේෂ ජාතික ආරක්ෂක කවුන්සලයේ දී ඉන්දීය අග්රාමාත්යවරයා මෙම අවසරය ලබාදී තිබෙනවා.
මේ සඳහා ඉන්දීය හමුදා ප්රධානීන් මෙන්ම ඉන්දීය ආරක්ෂක අමාත්ය රාජ්යනාත් සිං මහතා ද එක්ව තිබුණා.
මේ අතර ඉදිරි පැය 24ත් 36ත් දක්වා කාලය තුළ ඉන්දියාව විසින් හමුදා ප්රහාරයක් දියත් කිරීමට අදහස් කරන බවට විශ්වාසදායක බුද්ධි තොරතුරු ලැබී ඇති බව විදෙස් මාධ්ය වාර්තා කර තිබෙනවා.
