ශ්රී ලංකා තැපෑල නව්යකරණය කිරීම සම්බන්ධ පූර්ව සාකච්ඡාවක් ජනාධිපති ලේකම් ආචාර්ය නන්දික සනත් කුමානායක මහතා සහ තැපැල් දෙපාර්තමේන්තුවේ නිලධාරීන් අතර පවත්වා තිබෙනවා. ඒ ජනාධිපති අනුර කුමාර දිසානායක මහතා විසින් ජූලි 09 වනදා සෞඛ්ය හා ජනමාධ්ය අමාත්යාංශයේ 2027 පූර්ව අයවැය සාකච්ඡාවේදී ලබා දුන් උපදෙස් මතයි. එහිදී තැපැල් දෙපාර්තමේන්තුව නව්යකරණය සඳහා පවතින ගැටලු හඳුනා ගැනීම, තැපැල් සේවාව වඩාත් කාර්යක්ෂම හා ලාභදායී සේවාවක් බවට පත් කිරීමේ අවස්ථා හා විභවතාවන් හඳුනා ගැනීම පිලිබද අවධානය යොමු කර තිබෙනවා. මේ වන විට තැපැල් දෙපාර්තමේන්තුව බැංකු සහ රක්ෂණ ආයතන සමග එක්ව මූල්ය සේවා මෙන්ම සාම්ප්රදායික තැපැල් සේවාවන් සහ භාණ්ඩ බෙදාහැරීම යන ප්රධාන ධාරාවන් තුනක් ඔස්සේ සිය සේවා සම්පාදනය කරන බවයි තැපැල්පති එස්. ආර්. ඩබ්ලිව්. එම්. ආර්. පී සත්කුමාර මහතා මෙහිදී පෙන්වා දුන්නේ.
භාණ්ඩ බෙදාහැරීමේ ඉහළ විභවතාවක් සහ වෙළෙඳපොළක් මේ වන විට නිර්මාණය වී ඇති බවද ඔහු අවධාරණය කළා.
එමෙන්ම වෙළෙඳපොළ අවස්ථාවන්ගෙන් 10-15% අතර ප්රමාණයක් වන එම සේවාවන් කඩිනමින් පුළුල් කර ගැනීමට හැකියාව පවතින බවත් තැපැල්පතිවරයා සඳහන් කළා. ජනාධිපති ලේකම් ආචාර්ය නන්දික සනත් කුමානායක මහතා මෙහිදී සඳහන් කළේ ලෝක තැපැල් සේවාව සංවර්ධනය සමඟ ඉදිරියට ගමන් කර ඇත්තේ ඒ ඒ අවස්ථාවේදී පැනනගින වෙනස්කම්වලට මුහුණ දෙමින් බවයි. තැපැල් දෙපාර්තුමේන්තුවට නවීන අංග එකතු කර ගනිමින් සහ පරිවර්තනය කළ යු තු බවද ඔහු පෙන්වා දුන්නා.
සාම්ප්රදායික තැපැල් සේවාවන් ක්රමයෙන් ඉවත්ව භාණ්ඩ හුවමාරු විද්යුත් වෙළෙඳාම හා අන්තර්ජාලය පදනම් කරගත් භාණ්ඩ බෙදාහැරීමේ කටයුතු පුළුල් වෙමින් පවතින බවද ජනාධිපති ලේකම්වරයා අවධාරණය කළා.
