අපරාධ පරීක්ෂණ දෙපාර්තමේන්තුවේ අධ්‍යක්ෂ, ජ්‍යෙෂ්ඨ පොලිස් අධිකාරි ශානි අබේසේකර මහතා නියෝජ්‍ය පොලිස්පති ධුරයට උසස් කර තිබෙනවා. ශානි අබේසේකර මහතා නියෝජ්‍ය පොලිස්පති තනතුරට උසස් කිරීමට, පරිපාලන අභියාචනා විනිශ්චයාධිකාරය පසුගියදා නියෝග කර තිබුනා. එම නියෝගය ඉකුත් මැයි 13වැනිදා ජාතික පොලිස් කොමිෂන් සභාව වෙත දැනුම් දීමටයි පියවර ගෙන ඇත්තේ. එම නියෝගයට අනුව අගෝස්තු මස 25 සිට බලපැවැත්වෙන පරිදි මෙම උසස්වීම් ලබාදීමට නිර්දේශ කර තිබූ අතර, වැඩතහනමට ලක් වූ දින සිට මේ දක්වා අහිමි වූ සියලුම හිඟ වැටුප් සහ දීමනා ශානි අබේසේකර මහතාට ගෙවීය යුතු බවත් එහි දැක්වෙනවා.
