බහුවිධ ප්රවාහන මධ්යස්ථාන නිර්මාණය කිරීමේදී දුම්රිය මාර්ග පද්ධතිය සමග ඒකාබද්ධ කිරීමට ඇති හැකියාව පිළිබදව සොයාබලන ලෙස ජනාධිපති අනුර කුමාර දිසානායක මහතා නිළධාරීන්ට උපදෙස් දී තිබෙනවා.
ඒ, ගුණාත්මක ප්රවාහන සේවයක් සහතික කිරීමේ උපාය මාර්ගික සැලැස්ම පිළිබදව ප්රවාහන සහ මහාමාර්ග අමාත්යංශයේ නිලධාරීන් සමග ඊයේ පැවති සාකච්ඡාවකදීයි.
මේ අතර කොළඹ නගරයේ දැනට පවතින දැඩි රථවාහන තදබදයට පිළියමක් ලෙස මෙට්රෝ බස් රථ සේවාව හදුන්වාදීමට සැලසුම් කර තිබෙනවා.
එම බස් රථ ලබන අගෝස්තු මාසය වන විට මෙරටට ගෙන ඒම පිළිබදවද එහිදි සාකච්ඡා කෙරුණා.
කොළඹ අවට ප්රධාන මාර්ග 6 ක් ඔස්සේ මෙම ව්යාපෘතිය ක්රියාත්මක කිරීමට සැලසුම් කර ඇති අතර, අනතුරුව ගාල්ල සහ මහනුවර දිස්ත්රික්කවලත්, ඉදිරි වසර 03 තුළ ප්රධාන නගර 08 ක් දක්වාත් ව්යාප්ත කිරීමට අපේක්ෂා කරන බවයි මෙහිදී අනාවරණය වුණේ.
මේ අතර, ත්රිරෝද රථ, ටැක්සි සහ පාසල් වෑන් රථ නියාමනයට සකස් කර ඇති ක්රමවේදයන් පිළිබදව සියලු පාර්ශ්වයන් සමග සාකච්ඡා කිරීමෙන් අනතුරුව එය ඉදිරිපත් කිරීමට අපේක්ෂා කරන බවද මෙහිදී සාකච්ඡා වී තිබෙනවා.
