වලපනේ කීර්ති බණ්ඩාරපුර සිට මස්කෙළිය දක්වා වැලි ප්රවාහනය කරන ලද ටිපර් රථයක හදිසියේ තිරිංග ක්රියාවිරහිත විම නිසා ටිපර් රථය රියදුරුගේ පාලනයෙන් මිදී ටිපර් රථය කන්දක ගැටී නතර වී ඇති බව නානුඔය පොලිසියේ නිලධාරියෙකු කියා සිටියා.
අද(09) උදෑසන 6.30ට පමණ මෙම අනතුර සිදු වී ඇත්තේ හැටන් නුවරඑළිය වටරවුම් මාර්ගයේ නානුඔය රදැල්ල කෙටි මාර්ගය ආසන්නයේදීයි.
නුවරඑළිය නානුඔය ප්රධාන මාර්ගයේ අද(09) අලුයම පැවැති අධික මීදුම් තත්ත්වයත් පවතින අයහපත් කාලගුණයත් හමුවේ ධාවනය වෙමින් තිබූ ටිපර් රථයේ තිරිංග අඛණ්ඩවම ක්රියාත්මක කර ධාවනය කිරීම හේතුවෙන් ටිපර් රථයේ තිරිංග ක්රියාවිරහිත වී ඇති බවත් අනතුරින් කිසිවෙකුටත් තුවාල සිදු වී නොමැති වුවත් අනතුරින් ටිපර් රථයට දැඩි අලාභ හානි සිදුව ඇති බවයි නානුඔය පොලිසියේ නිලධාරීයෙකු කියා සිටියා.
පවතින අයහපත් කාලගුණ සහ ඝණ මීදුම් තත්ත්වය හමුවේ නුවරඑළිය හැටන් මාර්ගයේ රථ වාහන ධාවනයේදී සැලකිලිමත් ලෙස සෙමෙන් රිය ධාවනය කරවන ලෙස නානුඔය පොලිසිය රියදුරන්ගෙන් ඉල්ලා සිටිනවා.
