වෙඩිතබා මනුෂ්‍ය ඝාතනයකට තැත්කිරීමේ අපරාධයකට අවශ්‍ය කර සිටි සැකකරුවන් දෙදෙනෙකු මීටියාගොඩ පොලීසිය විසින් අත්අඩංගුවට ගෙන තිබෙනවා. ඉකුත් 21වැනිදා අම්බලන්ගොඩ, කහව හන්දියේදී යතුරුපැදියකින් පැමිණ පිස්තෝල අවියකින් වෙඩිතබා මනුෂ්‍ය ඝාතනයක් සිදු කිරීමට තැත් කිරීමේ අපරාධයට සැකපිටයි මෙම අත්අඩංගුවට ගැනීම සිදුකර ඇත්තේ.
මීටියාගොඩ පොලිස් ස්ථානයේ නිලධාරීන් කණ්ඩායමක් විසින් බටපොල පොලිස් වසමේදී මෙම සැකකරුවන් අත්අඩංගුවට ගෙන ඇති අතර, සැකකරුවන් අවුරුදු 19 හා 22 යන වයස්වල පසුවනවා .
