නුවරඑලිය දිස්ත්රික් සෞඛ්ය සේවා අධ්යක්ෂක කාර්යාලය යටතේ පාලනය වන ලක්ෂපාන ප්රාදේශිය රෝහල වෛද්යවරුන් නොමැතිව වසා දැමිමේ අවධානමකට ලක් වි ඇති බව එම රෝහලෙන් ප්රතිකාර ලබාගන්නා රෝගි ජනතාව පවසනවා.
ග්රාමසේවා වසම් හයක් පමණ ආවරණය වන ලක්ෂපාන ප්රාදේශිය රෝහලේ දිස්ත්රික් වෛද්ය නිලධාරිවරයා ඇතුළු වෛද්යවරුන් තිදෙනෙකු සේවය සඳහා සිටි බවත්, මේ වන විට ඉන් වෛද්යවරුන් දෙදෙනෙකු ස්ථාන මාරුවිම් ලබා ගොස් ඇති බවයි ලක්ෂපාන ප්රදේශවාසින් කියා සිටියේ. තවද ලක්ෂපාන රෝහල සියළුම පහසුකම් සහිත රෝහලක් බවත්, රෝහලේ 30 දෙනෙකුට ආසන්න කාර්ය මණ්ඩලයක් සිටින බවත්, එම රෝහලට ගිලන් රථයක්ද තිබෙන බවයි ප්රදේශවාසින් කියා සිටියේ.
ලක්ෂපාන විදුලි බලාගාර සංකිර්ණය ආසන්නයේ පිහිටි ලක්ෂපාන ප්රාදේශිය රෝහලේ බාහිර රෝගි අංශයෙන් සහ නේවාසිකව ප්රතිකාර ලබා ගැනිමට මොරහේනගම , වක්ගම , පල්ලේවත්ත , හගරාපිටිය , කොත්තැල්ලෙන , කටු කිතුල , නෝටන්බ්රිජ් ඇතුළු ගම්මාන රැසක ජනතාව දිනපතා පැමිණෙන බවත්, දැනට එම රෝහලේ එක් වෛද්යවරයෙකු පමණක් දිවා රාත්රි දෙකේම සේවයේ යෙදි සිටින බවත්, පවත්නා තත්ත්වය මත දැනට සේවයේ යෙදි සිටින වෛද්යවරයාද ස්ථාන මාරුවිමක් ලබා වෙනත් රෝහලකට යාමට කටයුතු කරමින් සිටින බවයි ලක්ෂපාන ප්රදේශවාසින් කියා සිටියේ.
එම රෝහලේ දැනට එක් වෛද්යවරයෙකු පමණක් සේවය කරන නිසා (05) දින සිට රෝහල වෙත රෝීන් ඇතුල් කර නොගන්නා බවත්,සතියේ දිනවල පෙ.ව. 8 සිට පස්වරු 4 දක්වාත්, සෙනසුරාදා දිනවල උදැසන 8 සිට දහවල් 12 දක්වා බාහිර රෝගි අංශයෙන් ප්රතිකාර ලබාදෙන බවත්, ඉරිදා සහ රජයේ නිවාඩු දිනවල රෝහල වසා දමන බවට දැනට එම රෝහලේ සේවය කරන වෛද්යවරයා විසින් රෝහලේ දැන්විමක්ද පල කර ඇත.
මේ සම්බන්ධයෙන් නුවරඑලිය දිස්ත්රික් සෞඛ්ය සේවා අධ්යක්ෂක නිශ්ශංක විජේවර්ධන මහතා කියා සිටියේ ලක්ෂපාන ප්රාදේශිය රෝහලේ සේවය කල වෛද්යවරුන් දෙදෙනෙකුගෙන් එක් වෛද්යවරයෙකු හදිසි අවශ්යතාවයක් සදහා එම රෝහලෙන් ස්ථාන මාරුවීීීීම් ලබා යාමට එම රෝහලේ දැනට සේවයේ යෙදි සිටින වෛද්යවරයා නිර්දේශයක් ලබා දි තිබු නිසා එම වෛද්යවරයාට ස්ථාන මාරුවිමක් ලබා දුන් බවයි.
එමෙන්ම එම රෝහලට අලුතින් වෛද්යවරයෙකු පත් කරන තෙක් දැනට සේවය කරන වෛද්යවරයා නිවාඩු ලබා යන අවස්තාවක තාවකාලිකව එම රෝහලට වෙනත් වෛද්යවරයෙකු අනුයුක්ත කිරිමට කටයුතු කරන බවත් ඔහු කියා සිටියා.
