ගුවන් හමුදාවේ 73 වන සංවත්සරයට සමගාමීව පැවැත්වෙන පාපැදි සවාරිය සදහා මෙරට ප්‍රමුඛ පෙළේ පාපැදිකරුවන් 108 කට අධික සංඛ්‍යාවක් එක්වීමට නියමිතයි
ශ්‍රී ලංකා පාපැදි සම්මේලනය හා එක්ව සංවිධානය කරන මෙම පාපැදි සවාරිය ලබන 07 වනදා දක්වා පැවැත්වෙනවා
ඒ අනුව පළමු අදියර යටතේ ගුවන් හමුදාපති එයාර් මාර්ෂල් උදේනි රාජපක්ෂ මහතාගේ ප්‍රධානත්වයෙන් කොළඹ – ගාලුමුවදොර පිටියෙන් ආරම්භ වන අද පෙරවරු 8ග40 ආරම්භ වන පාපැදි සවාරිය මහනුවර දක්වා කිලෝමීටර 104ග3 ක් ගමන් කිරීමට නියමිතයි
දෙවන අදියර යටතේ කිලෝමීටර 137ග2 ක් මහනුවර සිට පොළොන්නරුව දක්වා ගමන් කිරීමට නියමිතයි කිලෝමීටර 654 ක් වන සම්පූර්ණ දුරකින් යුත් අදියර පහකින් සමන්විත මෙම පාපැදි සවාරියේ අවසානය වවුනියාව සිට යාපනය දක්වා ගමන් කෙරෙන අතරල එය ලබන හත්වනදා පෙරවරුවේ ආරම්භ කිරීමට නියමිතයි
ඉන්දීය පාපැදිකරුවන් කිහිපදෙනෙකුද එක්වන ගුවන් හමුදා පාපැදි සවාරියේ තිලිණ ප්‍රදානය ලබන 07 වනදා යාපනය ක්‍රීඩාංගණයේදී පැවැත්වෙන්නේ ගුවන් හමුදාපතිවරයාගේ ප්‍රධානත්වයෙන්
