හැටන් කොළඹ ප්රධාන මාර්ගයේ යටියන්තොට, තණකොළවත්ත ප්රදේශයේදී සංචාරකයන් පිරිසක් රැගෙන යමින් තිබූ බස් රථයක් අද(20) අනතුරට ලක්ව තිබෙනවා.
නුවරඑළිය දෙස සිට කොළඹ දක්වා ගමන්ගත් ඉන්දීය සංචාරකයින් පිරිසක් රැගත් බස් රථයක් මෙලෙස අනතුරට ලක්ව ඇති බවයි වාර්තා වන්නේ.
අනතුර සිදුවන අවස්ථාවේ මාර්ගය අසල රැඳී සිටි මවක් දියණියක් සහ පුතෙක් ද එම බස් රථයේ ගැටීමෙන් තුවාල ලබා රෝහල් ගත් කර ඇති අතර පසුව මව ජීවිතක්ෂයට පත්ව තිබෙනවා.
ජීවිතක්ෂයට පත්ව ඇත්තේ සිය දරුවන් දෙදෙනා උපකාරක පන්ති යැවීම සඳහා මාර්ගය අසල රැඳී සිටි 40 හැවිරිදි කාන්තාවක් බවටයි වාර්තා වන්නේ.
අනතුරෙන් බස් රථයේ ගමන් කරමින් සිටි ඉන්දීය ජාතිකයන් දෙදෙනෙක්ද තුවාල ලබා රෝහල් ගත කර ඇති අතර සිද්ධිය සම්බන්ධයෙන් යටියන්තොට පොලිසිය වැඩිදුර විමර්ශන සිදු කරනු ලබනවා.
