පවතින වර්ෂා තත්ත්වය හේතුවෙන් නුවරඑළිය සහ බදුල්ල යන දිස්ත්රික්කවල ප්රාදේශීය ලේකම් කොට්ඨාස හයකට නායයෑමේ පූර්ව අනතුරු ඇඟවීමේ නිවේදන නිකුත් කිරීමට ජාතික ගොඩනැගිලි පර්යේෂණ සංවිධානය අද (20) පියවර ගෙන තිබෙනවා.
ඒ අනුව නුවරඑළිය දිස්ත්රික්කයේ නිල්දණ්ඩාහීන්න හා වලපනේ ප්රාදේශීය ලේකම් කොට්ඨාසයන් සඳහා නායයෑමේ අනතුරු ඇඟවීමේ දෙවන මට්ටමේ අවධානයෙන් සිටින ලෙස සහ නුවරඑළිය දිස්ත්රික්කයේ මතුරට, හඟුරන්කෙත, බදුල්ල දිස්ත්රික්කයේ මීගහකිවුල හා කන්දකැටිය යන ප්රාදේශීය ලේකම් කොට්ඨාස සඳහා අනතුරු ඇඟවීමේ පළමු මට්ටමේ විමසිලිමත්ව සිටින ලෙස දැනුම්දීමේ නිවේදනය නිකුත් කිරීමටයි ජාතික ගොඩනැගිලි පර්යේෂණ සංවිධානය පියවර ගෙන ඇත්තේ.
එම ප්රාදේශීය ලේකම් කොට්ඨාසයන්ගේ පදිංචි ජනතාව මෙම නිවේදන සම්බන්ධයෙන් අවධානයෙන් හා විමසිලිමත්ව සිටින ලෙස ජාතික ගොඩනැගිලි පර්යේෂණ සංවිධානය වැඩිදුරටත් දැනුම් දෙනවා.
